داهی‌لرین سؤزلری
داهی‌لرین سؤزلری (اینجی‌لر) آدلی کیتاب، ده‌یرلی یازار و حؤرمتلی آراشدیرماچیمیز، سایین احد فرهمندی‌نی زحمتیله حاضیرلانمیش‌دیر. بو کیتاب "ندای شمس" یاییم ائوی وریندن تورکجه‌میزی داهی‌لرین سؤزلریندن باریندیرما اوماجاغیلا نشر اولموشدور.
بلکی توپلومسال شبکه‌لرین یاییلماسی و ایندیکی اینسانلارین داها اوخوماقلا اؤزگه‌لشمه‌‌لری، بئلنچی بیر اینجی‌لردن دولو بیر کیتابین یازیلماسینا تمل ندن ساییلا (بوگون‌لرهامی سؤزون ایچ قاتینی اوخوماق ایسته‌ییرآخی). دوغرودو دئیه‌سیز بیر جومله ایله کیمسه بیر دوشونجه‌نی منیمسه‌یه بیلمز. آنجاق بلکی بیر بیلیم آدامی‌نین، فلسفه‌چی‌نین، پیسخولوقون و... بیر دولو دوشونجه‌لی جومله‌سی سیزی او داهیله داها تانیش اولمایا ماراقلاندیرا.
بو کیتابین اؤزللیگی بلکی بو اولا بیلر، یازیلان اینجی سؤزلر چئشیدلی قونولاردا دسته‌له‌نیب‌لر. یانی سیز داها بیر سورو قارما قاریشیق سؤزلرله اوزله‌شمه‌یه‌جک‌سینیز. ایسته‌دیینیز قونویلا ایلگیلی اینجی‌لری اوخویا بیلرسینیز. بو اؤزو توپلاییب، آراشدیریب، تورکجه‌لشدیرن اوستادیمیز احد فرهمندی‌نین هانسی درجه‌ده زحمت و واخت آییردیغینین بللی قانیتی ساییلا بیلر منجه.
کیتاب 268 صحیفه‌ده حاضیرلانیب. بئله‌جه ایچینده‌کیلربو تمل قونولارلا بؤلونوب:
ایراده، سئوگی، یانیلماق، دؤنرگه، عاییله، عقل، یاشاییش، واقعیت، آزادلیق، بیلیک و سونوندا قات قاریشق.
یازارین دئدیینه دایاناراق بو کیتاب 15 ایل ایچینده توپلانیب سونوجدا یاییملانیب. بو اینجی‌لر تورکجه قیسا مئساژ یئرینده ایشله‌ییب، هر کس وریندن آنلاشیلا بیلن قدر سادجه و گؤزل یازیلیب.
بو کیتابی آلیب کیتاب قفسه‌نیزده ساخلاییب؛ هردن بیر یورولاندا اوندان بیر نئچه سؤز اوخومانیزی اؤنریرم.
