آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

دیل وارلیغین ائوی‌دیر دئمیشدی هایدگئر؛ بو اوزدن وارلیغیمیزی قوروماق اوچون دیلیمیزی قورومالیییق دئیه دوشونورم. بو دوشرگه‌ده اؤز آنادیلیم اولان تورکجه‌ده یازاجایام؛ گونده‌لیک آنیلاردان، ادبیات، حیکایه و آراشدیریجی یازیلاریما کیمی. چالیشیرام قونو سئچیمینده چوخ سینیر قویماییب، بوتون قونولاردان بیلدیگیم و یازماق ایسته‌دیگیم قده‌ر یازام. یازماق منیم دیریلیگیمین بَلیرگه‌سی‌دیر :)
سیز ده دیریلیگینیزی بیلمک ایسته‌ییرسینیزسه یازماغا باشلایین.
یادیمدان چیخمامیش: سلام، خوش گلیب‌سینیز :)

سون گؤندری‌لر
سون یوروملار

۸ مطلب با موضوع «کیتاب تانیتیمی» ثبت شده است

فیرانسانین اینجه ذؤوقلو فوتوقیرافچی‌سی بیر سیرا آدلیم رومانلاری اؤزل مئتودلا تانیتدیریب. یارادیجی فوتوقیرافچی کیتابلارین اوخونماسی اوچون اینسانلاری ماراقلاندیرسین دئیه بیر نئچه آنلاملی و سیمگه‌سل ایشله‌ولی فوتوشکیل‌لر چکیب، چکدیک‌لری ایسه توپلومسال شبکه‌لرده گئنیش آلاندا یاییملانماقدادیر. من ایسه اوچ کیتابی اؤرنک اولاراق سئچیب تورکجه آچیقلاما وئریب، خیدمتینیزه سونورام. اومارام بو گؤزل و ایلگینج ایش هرکسده ائتگیلی اولا.

  • حامید مورسلی

بیلدیینیز کیمی فیرانتس کافکا آلمانجا یازان چک اسلوواکی'لی یازاردیر. کافکا دئمک اولار پست مدرن یازار ساییلیر. نییه کی یازیلاریندا سنت (اؤرنه'یین دین) و مدرنیته'نین (اؤرنه'یین قانون و نوین حکومت'لر) یاراتدیقلارینا الیشدیرل یاناشیر. و یازیلاریندا شخص چوخ محوریت و اؤنم داشییر تا توپلوم. 

  • حامید مورسلی

داهی‌لرین سؤزلری (اینجی‌لر) آدلی کیتاب، ده‌یرلی یازار و حؤرمتلی آراشدیرماچیمیز، سایین احد فرهمندی‌نی زحمتیله حاضیرلانمیش‌دیر. بو کیتاب "ندای شمس" یاییم ائوی وریندن تورکجه‌میزی داهی‌لرین سؤزلریندن باریندیرما اوماجاغیلا نشر اولموشدور. 
بلکی توپلومسال شبکه‌لرین یاییلماسی و ایندیکی اینسانلارین داها اوخوماقلا اؤزگه‌لشمه‌‌لری، بئلنچی بیر اینجی‌لردن دولو بیر کیتابین یازیلماسینا تمل ندن ساییلا (بوگون‌لرهامی سؤزون ایچ قاتینی اوخوماق ایسته‌ییرآخی). دوغرودو دئیه‌سیز بیر جومله‌ ایله کیمسه بیر دوشونجه‌نی منیمسه‌یه بیلمز. آنجاق بلکی بیر بیلیم آدامی‌نین، فلسفه‌چی‌نین، پیسخولوقون و... بیر دولو دوشونجه‌لی جومله‌سی سیزی او داهیله داها تانیش اولمایا ماراقلاندیرا.

  • حامید مورسلی

فولکولور ساحه'سینده چالیشمایا چوخ یئر اولدوغونا باخمایاراق یاخین بو نئچه ایلی، گؤزل و قالارغی آددیملار آتیلیب دئمک اولار. اسکی'لرده بیریسی ائل آشیغی اولماق ایستردیرسه اؤنجه فولکولوریک ناغیللار، ماهنیلار، دب'لر،عادت عنعنه'لر، بیرجه سؤزله ائل ایچینده سینه دن سینه'یه داشینان فولکولوریک ماتئریاللاری اؤیرنملی ایدی.
گونئی'ده من تانیدیغیم و آزما-چوخ گؤردوکلری ایشلریله تانیش اولدوغوم، اوچ اوستادین آدینی باشدا سایماق اولار. دوکتور محمدزاده صدیق، مهندس علیرضا صرافی و دوکتور حسین محمد خانی(گونئیلی) جنابلاری. 

  • حامید مورسلی

بوتا یاییم ائوی'نین گونئی ادبیاتیندا منجه ایکی اؤنملی و دانیلماز نقشی وار و سورکلی اولاراق واردیر. بیرینجیسی دیلیمیزی نثر ایله باریشدیرماغا چالیشیر. ایکینجیسی ایسه ادبیاتیمیزا و دئمک ادبیات هوسکارلارینا دونیا آدلیم اثرلرینی اؤز تورکجه'میزده دادیزدیریر.
ائله بو ایکی ندن یئتر، جناب محمد صبحدل، بوتا یاییم ائوی'نین سوروملو مودوروندن اؤزل تشکورلر و مینتتدارلیغیمیزی بیلدیریب اورکدن یورولمایاسینیز دئیه'یک کندی'لرینه.
بوتا یاییم ائوی بو بیر ایکی ایلین بویوندا دونیانین آدلیم یازارلاریندان گؤزل کیتابلار بسته'لییب اوخوجولارا سونوبدور. او جومله'دن ائرنئست هئمینگوئی'یین "قوجایلا دنیز" آدلی، آدلیم اثرینی تانیتدیرماق اولار. بو کیتابی مناف سلیمان اوو آذربایجان تورکجه'سینه چئویریب، خانیم لیلا ایبراهیمی ایسه عرب آلفابئسینه کؤچوروبلر.


کیتاب بیر قوجا بالیقچی'نین قوجایکن گونلرجه اووسوز، هم ده یورغون آرغین دنیزدن قاییتماسینین ریوایتی دیر. قوجانین بیر گنج یاشلی شاییردی(شاگردی) و دئمک اولار تکجه دوستو دا وار. بیر گون قوجا نئچه گون بالیقسیز دنیزدن قاییتدیقدان سونرا تصمیم توتور تک باشینا بیرآز اوزاغا گئدیب شانسینی اورالاردا دا دنه'سین. چوخ چتینلیکدن سونرا بیر ناققا بالیق تورونا دوشور. او بالیقلا نئچه گون آجیبان سوسوز موباریزه ائدیب سونوندا اونا قالیب گلیر. آنجاق بالیق چوخ آغیر اولدوغو اوچون بالیغی گمینین ایچینه چیخارتمایا گوجو یئتمیر. بالیغی گمی'یه باغلاییب لیمانا ساری دؤنور. (و...)
بو کیتابی دنیز و بالیقچلیقلا هئچ کولتورل یاخینلیغی اولمایان بیزه تای میللتلرده، یازارین گؤزل و بدیع صحنه'لر یاراتدیغیندان دولایی منیمسه'نه بیلیر. چوخ آخیجی و گؤزلجه'سینه ده تورکجه'میزه چئوریلیب. اومارام هر کس بو گؤزل و بالاجا رومانی اوخویوب اولدوقجا ذؤوق آلسین. بو کیتابی تورکجه کیتاب ساتان یئرلردن الده ائدیب اوخویا بیلرسینیز.
ح. م

  • حامید مورسلی

الویداع گولساری؛ ان سئودیییم قیرقیز یازاری، چنگیز آیتماتوون گؤزل و قالارغی اثرلریندن بیریسی دیر. بو کیتاب قوزئی'لی اکرم اه'یلیسلی'نین وریندن آذربایجان تورکجه'سینه چئوریلیب. ایراندا ایسه بوتا نشر یایین ائوی وریندن، موسی(آتیلا) سیفی'نین کؤچورمنلیگیله یاییملانیب. 
رومانین ریوایتی بیر قوجا کمونیست ایله آتینین(گولساری) سون آنیلاریندان باشلاییر فیلاش بک یئمکله ریوایت گؤزلجه'سینه آچیقلانیر. کیتابدا یازارین گوجلو قلمینین آراجیلا بدیع و لمس اولونان فضالارلا اوزله'شیریک. چوخ زامان سانکی اوخوجو اؤزو کولخوزدا یاشاییب و بوتون او مصبیت لری لمس ائدیب دیر کیمی گلیر بیله'سینه. 
بو کیتابی بوتون تورکجه کیتاب ساتان کیتاب ائولریندن الده ائدیب اوخویا بیلرسینیز.

  • حامید مورسلی

تبت یدا اوستاد حیدر عباسی(باریشماز) جنابلاری‌نین آخیجی و گؤزل تورکجه'یله یازیلمیش اثری دیر. بو رومان کند فضاسیندان باشلاییر بیر قوروملو موباریزه قوروپلارینا چاتیر. رومانین تئمی دئمک اولار سولچولوغا دایانیر. عدالت سئورلیک و البته ایدولوژی اوغروندا موباریزه یه. چوخ شیرین و بلکه دیراماتیک اولان بو اثر چوخ یئرلرده اوخوجونو دویغوساللاشدیریب آغلاتماغا کیمی آپاریر.
چوخلاری کیتابین ایچ قاتیندا اولان "خشونت"-ه قارشیدیرلار. و بو تور موباریزه و بلکی اینتیقامی دوغرو یول بیلمیرلر. 
آنجاق بوتون بونلارا باخمایاراق بو رومان اوخونمالی رومانلاردان. هر کس اوخومالی دیر منجه. نه یازیق اوحدی یایین ائوی وریندن 1387ده چیخدیغینا باخمایاراق هله ده بیر چوخ کیتاب ساتان یئرلرده قفسه لرده توز یئمکده دیر. اومارام بو قیسا تانیتیملا اوخومایانلار بو کیتابین اوخوماسینا ماراقلانالار.

  • حامید مورسلی

گیلگمیش‌ین حیماسی داستانی:



ایلک اولاراق گیلگمیش داستانی بین النهرین‌ده مین‌لرجه پالچیق کتیبه‌لری اوزه‌رینده مین ایللر اؤنجه  میخی خط ایله‌ یازیلمیش شکیلده اینگیلیس‌لی باستان شوناس آراجیلیغی ایلا تانیملاندی. 1839 دا یئنی تاپینتیلار اساسیندا کتیبه‌لر آلمانییالی بورکهاتین گوجویله ترجومه اولوب اوخونولدو. بوگونه دک کشف اولونموش ان اسکی یازیلی حماسه‌لردن بیریسی ساییلیر.

  • حامید مورسلی