آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

دیل وارلیغین ائوی‌دیر دئمیشدی هایدگئر؛ بو اوزدن وارلیغیمیزی قوروماق اوچون دیلیمیزی قورومالییق دئیه دوشونورم. بو دوشرگه‌ده اؤز آنادیلیم اولان تورکجه‌ ده یازاجیام؛ گونده‌لیک آنیلاردان، ادبیات، حیکایه و آراشدیریجی یازیلاریما کیمی. چالیشیرام قونو سئچیمینده چوخ سینیر قویماییب و بوتون قونولاردان بیلدیگیم و یازماق ایسته‌دیگیم قده‌ر یازام. یازماق منیم دیریلیگیمین بَلیرگه‌سی دیر :)
سیز ده دیریلیغینیزی بیلمه‌ک ایسته‌ییرسینیزسه یازماغا باشلایین !
یادیمدان چیخمامیش: سلام، خوش گلیب‌سیز :)

سون گؤندری‌لر
سون یوروملار

دوستوم

يكشنبه, ۲۸ دی ۱۳۹۳، ۰۴:۳۲ ق.ظ

"دوستوم"

 

چوخ صمیمی ایکی دوست ایدی‌لر. آنجاق بیری چوخ حیله‌گر، قوچاق و حرکت‌لی، او بیری ایسه چوخ صاف، دوروست و سس‌سیز ایدی. حیله‌گر اولان یولداش بیر گون، یولداشینین یانینا گئتدی و ایشلری‌نین پوزولدوغونو سؤیله‌دی، اؤزون‌دن پول ایسته‌دی. صمیمی دوستو اونو هئچ قیرمادی، الینده‌کی بوتون پولو یولداشینا وئردی. یولداشی بو پوللا ایشلرینی دوزلتدی.

بیر موددت سونرا حیله‌گر اولان یئنه دوستونون یانینا گئتدی و یولداشینین ائولنمک اوزره اولدوغو نیشان‌لی‌سینی چوخ به‌یه‌ندیگینی سؤیله‌دی و اونو اؤزونه وئرمه‌سینی ایسته‌دی. یولداشی چوخ چاشدی، اووَل نه دئیه‌جه‌یینی بیلمه‌دی ... لاکین آرا‌لاریندا او جور گوج‌لو بیر سئوگی وار ایدی کی، یولداشینا "یوخ" دئیه بیلمه‌دی، نیشان‌لی‌سینی اونا وئردی.

 زامان ایچینده صاف اولانین ایشلری پوزولدو. آغلینا، یولداشی گلدی. "من اونا سیخیشدیغیندا یاخشی‌لیق ائتمیشدیم" دئدی و اومیدله یولداشینین ایش یئرینه گئتدی، اؤزونه چالیشماسی اوچون بیر ایش وئرمه‌سینی ایسته‌دی.

یولداشی اونا ایش وئرمه‌دی. بیزیمکی پئشمان‌لیق و کدر ایچینده گئری دؤندو آمما یئنه ده یولداشینا قیزمادی.

بیر گون کوچه‌ده گزرکن یانینا خسته و یاش‌لی بیر آدام یاخینلاشدی؛ کاسیب اولدوغو اوچون درمان آلا بیلمدیگینی سؤیله‌دی. بیزیمکی یاش‌لی آداما اوره‌یی یاندی، ایسته‌دییی درمان‌لاری آلدی و گه‌تیردی، اؤزونه وئردی.

قیسا بیر موددت سونرا یاش‌لی آدامین اؤلدوغونو ائشیتدی.

یاش‌لی آدام أصلینده چوخ زنگین ایدی و بوتون میراثینی اونا بوراخمیشدی. صاف آدام آرتیق زنگین ایدی. بیر آز دا سئودییی دوستونا اولان آجیغینا اونون ایش یئری‌نین قارشی‌سیندا بیر ائو آلدی و اورایا یئرلشدی.

بیر گون ائوی‌نین قاپی‌سینی دیلن‌چی بیر قادین چالدی.

یاش‌لی قادین چوخ آج اولدوغونو، اؤزونه بیر آز یئمک وئرمه‌سینی ایسته‌دی. بیزیم صاف هئچ دوشونمه‌دن قادینی ایچری آلدی، قارینینی دویوردو، کیمسه‌سی اولمادیغینی اؤیرندیک‌دن سونرا دا اونا، اؤزونون ده تک اولدوغونو سؤیله‌دی و بیرلیکده یاشاماغی تکلیف ائتدی.

"ائوین بیر بؤیوگو اولا‌راق یاشایارسان بورادا" "ائو ایشلرینی و یئمک‌لری حاضیرلاییب، ائوی ایداره ائدرسن." دئدی.

یاش‌لی قادین هئچ دوشونمه‌دن قبول ائتدی بو تکلیفی.

بیر موددت سونرا یاش‌لی قادین بیزیمکینه، اؤزونه اویغون بیر قیز تاپیب، ائولنمه‌سینی سؤیله‌دی. بیزیمکی بئله بیر قیزی نئجه تاپاجاغینی، کیمسه‌نی تانیمادیغی سؤیله‌دی. 

یاش‌لی قادین اونا اویغون بیر قیز تانیدیغینی و اؤزونه تانیشتیرا بیله‌جه‌یینی سؤیله‌دی.

صاف آدام، اؤزونه تانیشتیریلان قیزی چوخ به‌یه‌ندی و اونلا ائولنمه‌یه قرار وئردی.

 اینجیک اولماسینا قارشی، چوخ صمیمی دوستونو یئنه ده اونوتمامیشدی. بیر آز دا گلدیگی مؤوقئیی گؤسترمک ایستییردی. اونا دا توی دعوتنامه‌سی گؤندردی.

 توی گونونده صاف آدام، سالونوندا قوناق‌لارینا بیر دانیشما ائتمک ایسته‌دی و میکروفونو الینه آلدی، باشین‌دان کئچن‌لری ایضاح ائتمه‌یه باشلادی.

 

"بیر زامان‌لار اؤزونو چوخ سئودیگیم بیر دوستوم واردی" دئدی. "بیر گون ایشلری پوزولونجا من‌دن بورج اولاراق پول ایسته‌دی. من ده ألیمده‌کی بوتون پولمو اؤزونه وئردیم. او دوستوم بیر موددت سونرا من‌دن، ائولنمک اوزره اولدوغوم نیشانلیمی ایسته‌دی. اونو چوخ به‌یه‌ندیگینی سؤیله‌دی و من‌دن اونو اؤزونه بوراخمامی خواهیش ائتدی. چوخ کدرلندیم، آمما یئنه ده بوراخدیم نیشانلیمی اؤزونه. چونکی بیز گئرچک دوستدوق و من اونون کدرلنمه‌سینی ایستمه‌میشدیم. ایشلریم پوزولدوغوندا اونون فابریکاسینه گئتدیم و ایشله‌مک اوچون اؤزون‌دن ایش ایسته‌دیم. آنجاق او منه ایش وئرمه‌دی. چوخ کدرلندیم، آمما یئنه ده قیزمادیم اونا. چونکی بیز گئرچک دوستدوق. "

 اؤزونو بو احوالاتدا "حیله‌گر یولداش" اولا‌راق تانیتدیغیمیز یولداشی، صاف یولداشینین بو دانیشماسینا داها چوخ دؤزه بیلمه‌دی و اونا دوغرو گئتدی، ألیندن میکروفونو آلدی، بو دفعه اؤز دانیشماغا باشلادی:

 

"منیم ده بیر زامان‌لار چوخ سئودیگیم بیر دوستوم واردی" دئدی او دا. "ایشلَریم پوزولدوغوندا اؤزون‌دن پول ایسته‌دیم، او بوتون پولونو منه وئردی. سونرا اوندان، نیشان‌لی‌سینی ایسته‌دیم. کدرلنه‌رک نیشان‌لی‌سینی دا وئردی منه. اوندان نیشان‌لی‌سینی ایسته‌مه سببی، او قادینی منیم چوخ به‌یه‌نمیش اولمام دئییلدی. او قادینین یولداشیما لاییق اولمادیغینی بیلدیگیم اوچون ایسته‌دیم اونو ​​بون‌دان. چونکی او قادین، سؤزون تام معناسییلا بیر "کیشی آوجیسییدی. صاف کیشی‌لری تله‌سینه سالار، اونلارین صاحب اولدوق‌لاری درحال هر شئیی آلاردی أللرین‌دن. دوستوم چوخ صاف اولدوغو اوچون اؤزونو او قادین‌دان قطعی‌لیکله قورتاریلماسی لازیم اولدوغونا ایناندیم. و اونو دوستوم‌دان، آنجاق بو اصوللا اوزاقلاشدیرابیلدیم.

 "دوستوم، ایشلری پوزولدوغوندا گلیب من‌دن ایش ایسته‌دی. اونا ایش وئرمه‌دیم چونکی، بئله‌سی یاخین بیر دوستومو اؤز أمریم ایله چالیشدیرامازدیم. اونا ایش وئرمه‌مه‌یین تک سببی بودور.

 "گونون بیرینده قارشیلاشدیغی یاش‌لی آدام ایسه، منیم آتام ایدی. آتام اؤلمک اوزره ایدی. اونو یولداشیمین یانینا من گؤندردیم و میراثینی اونا بوراخماسینی ایسته‌دیم آتام‌دان. ائوینه گلن دیلن‌چی قادین ایسه، منیم آنام ایدی. اونا بیر اؤولادی کیمی باخیب، یاخشی یاشاماسینی تأمین ائتمک اوچون گؤندردیم آنامی اؤزونه. حال-حاضردا ائولنمه‌ده اولدوغو آدام دا منیم دوغما باجیم دیر. اونو أن یاخین دوستوملا ائولنمه‌سی اوچون من راضی ائتدیم.

 

"قیمت‌لی قوناق‌لار، ایشده بیز بئله دوستوق. تومونوز سئوگیله و دوستلوقلا قالین و ... "دوستوم" دئیه بیلدیگینیز آدامین ده‌یرینی، حیاتینیز بویوندا بیر آن بیله عقلینیزدن چیخارمایین. "


یازارین تانیمیرام (نیجات بونون حئکایه‌سین اوخویوب، مئیخانا ژانریندا)؛ کؤچورن: حامید مورسلی

  • حامید مورسلی

حئکایه

یوروملار (۱)

خیلی وبلاگ عالی و خوبی داری لذت بردم واقعا من هم البته یه وب دارم که متاسفانه کسی به من سر نمی زنه و تنهام www.b2love.rzb.ir دوست داری بیا نیامدی هم اشکال نداره بازم ممنون موفق باشی
ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
تجدید کد امنیتی