آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

دیل وارلیغین ائوی‌دیر دئمیشدی هایدگئر؛ بو اوزدن وارلیغیمیزی قوروماق اوچون دیلیمیزی قورومالییق دئیه دوشونورم. بو دوشرگه‌ده اؤز آنادیلیم اولان تورکجه‌ ده یازاجیام؛ گونده‌لیک آنیلاردان، ادبیات، حیکایه و آراشدیریجی یازیلاریما کیمی. چالیشیرام قونو سئچیمینده چوخ سینیر قویماییب و بوتون قونولاردان بیلدیگیم و یازماق ایسته‌دیگیم قده‌ر یازام. یازماق منیم دیریلیگیمین بَلیرگه‌سی دیر :)
سیز ده دیریلیغینیزی بیلمه‌ک ایسته‌ییرسینیزسه یازماغا باشلایین !
یادیمدان چیخمامیش: سلام، خوش گلیب‌سیز :)

سون گؤندری‌لر
سون یوروملار

پیسخولوژی

پنجشنبه, ۴ تیر ۱۳۹۴، ۰۵:۰۹ ب.ظ

"دوشمنیمی دوست ائده‌رک، اونو یوخ ائدرم." آ. لینکولن



اینسان پسیخولوگییاسیندا، حاکیم اولماق آرزوسو بوتون زامانلاردا اولوب. ایداره‌نی الینده ساخلاماق ایسته‌ین شخص و یا شخص‌لر، اخلاقی سرحدلر داخیلینده و یا خاریجینده قالاراق بونو داوام ائتدیرمه‌یه چالیشیرلار. حاکیم اولماق دویغوسو عوموم بشری بیر دویغودور. بو دویغونو عدالتلی و دوغرو ایداره ائده بیلمک، تاریخده چوخ آز لیدئرده رئاللاشمیشدیر. ایستر عاییله‌ده، ایستر شیرکت ایداره ائتمه‌سینده، ایسترسه اؤلکه ایداره ائتمه‌سینده اولسون. بعضی پیسخولوژی قایدالار بیلینیرسه دوغرو قرارلار وئریله‌جک، دوغرو مئتودلار تطبیق ائدیله‌جکدیر.

پسیخولوژی موحاریبه،کلاسیک معناداکی موحاریبه‌نین قازانیلماسی و یا مغلوبیتینده، موحاریبه دن سونرا دا اوستونلویون داوام ائتمه‌سینده، یاخود پروبلئملرین حل ائدیلمه‌سینده اینسانلارین روح حالینا تاثیر ائده‌رک نتیجه آلماق اولاراق تعیین ائدیلیر.

دوشمنینی تانیمایان، موحاریبه‌ده مغلوب اولور. هم اؤزونو هم دوشمنینی تانیمایان، موحاریبه ده مغلوب اولماقلا یاناشی موحاریبه‌دن سونرا دا توپارلانا بیلمیر. دوشمنینی تانیماییب اؤزونو تانییان، موحاریبه دن سونرا اوغورلو اولا بیلر. هم اؤزونو هم دوشمنینی تانییان گوجون ایسه، مغلوب اولماق احتیمالی (اولاسیلیغی) دئمک اولار کی، یوخدور. اؤزونو تانیماییب دوشمنینی یاخشی تانییان گوجون، موحاریبه ده مغلوب اولماق احتیمالی چوخ یوکسکدیر.

پسیخولوژی موحاریبه نین بیرینجی آددیمی، رقیبینی و اؤزونو یاخشی تانیماقدیر.

ایکینجی آددیمی، تضییق و ایناندیرما مئتودلارینی اوستالیقلا ایستیفاده ائده‌رک قارشی طرفده پسیخولوژی چؤکونتو یاراتماقدیر. ایلدیریم بایزید و تیمور اوچون چکیلن بئله بیر میثال وار: موحاریبه دن سونرا ایکی خاقان بیرلیکده وضعیتی دیرلندیریرلر.

ایلدیریم:

- قوووتلریمیز برابر ایدی، سن نئجه (غ)قلبه‌یه نایل اولدون، سوروشور. بونا جاواب اولاراق تیمور بارماغینی اوزاداراق:
- ایکیمیز ده بیر-بیریمیزین بارماقلارینی دیشله‌یه‌ک دئییر. بیر مودت سونرا ایلدیریم آغرییا دایانا بیلمیه‌رک "آه" دئدیکده، تیمور بارماغینی درحال خیلاص ائدیر و سورا دا:

- بیرآز داها دایانسایدین من مغلوب اولاجاقدیم، دئییر.

کلاسسیک معناداکی پسیخولوژی موحاریبه، حرب تعلیمنامه‌لرینده ایضاح ائدیلمیشدیر. بو یازیلار سئرییاسی، کلاسیک معلوماتلاری وئرمکله یاناشی پراتیک حیاتدا، بئین الخالق علاقه‌لرده، اؤلکه و دونیا سییاستینی تعیین ائدنلر ده، قرار وئرنلر ده مؤوجود روح حالینی، جمعیتین پسیخولوژی خوصوصیتلرینی یاخشی باشا دوشوب دوغرو آددیملار آتیلماسینا قاتقی ائتمه‌یی مقصدی گودور.

ا.ی: بیر ایل اؤنجه کؤچوردوغوم یازی (6.25.2014)، اوتایلی بیر دوستون یازیسی دیر؛ پروفئسسور نئوزات تارهانین یازی قایناغیلا.

قایناق: http://sanan.guliev.info/psixoloji-muharib%C9%99/

  • حامید مورسلی

یوروملار (۰)

هئچ بیر یوروم ثبت اولماییب
ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
تجدید کد امنیتی