آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

دیل وارلیغین ائوی‌دیر دئمیشدی هایدگئر؛ بو اوزدن وارلیغیمیزی قوروماق اوچون دیلیمیزی قورومالیییق دئیه دوشونورم. بو دوشرگه‌ده اؤز آنادیلیم اولان تورکجه‌ده یازاجایام؛ گونده‌لیک آنیلاردان، ادبیات، حیکایه و آراشدیریجی یازیلاریما کیمی. چالیشیرام قونو سئچیمینده چوخ سینیر قویماییب، بوتون قونولاردان بیلدیگیم و یازماق ایسته‌دیگیم قده‌ر یازام. یازماق منیم دیریلیگیمین بَلیرگه‌سی‌دیر :)
سیز ده دیریلیگینیزی بیلمک ایسته‌ییرسینیزسه یازماغا باشلایین.
یادیمدان چیخمامیش: سلام، خوش گلیب‌سینیز :)

سون گؤندری‌لر
سون یوروملار

۸ مطلب در تیر ۱۳۹۳ ثبت شده است

اوشاغیدیم؛ کندیمیزده ایکی نفرین یئرلرینین مرسی(مرزی) اوُسته سؤزلری چیخمیشدی ، بیری دئییردی او آغ داشدان بویانا منیم دی اوبیریسی دئییردی یوخ او نوواخدان بویانا سنین دی . بو آرادا سؤزو گئدن یئرین دوزگون قورقوشوملو سندی ده یوخودو بللی اولا کیم دوز دئییر کیم‌سه او بیری‌نینی حاققینی پوزوب اونون یئرینه و امه‌یینه یییه دورماق ایسته‌ییردی !
بونلارین خیرخاخیرلاری گئت گئده چوخالیردی ، هئچ بیری ده شئیطانین آتیندان یئره توشموردولر؛ نه آغ ساققال ساییردیلر نه قارا ساققال. آنجاق بیر گون بیر آغ ساققال گیردی آرالارینا بیر حیرص پورسونان سون سیلاحی آرایا قویدو: " آللاه هر ایکیزین ده شئیطانیزا قووات وئرسین ؛ سیزین بو بوغاز دؤومه‌نیزه سادجه قورآن سون قویا بیلر" دئدی.
هاندان گئجدن او کی، ایکی آیاغین سوخموشدو بیر باشماغا و کسینلیکله دئییردی بو یئر منیم دی دستاماز آلیب قورآنا ال قویوب آند ایچدی ! و قارشی طرفی ده داها موجادیله سون قویوب "تاپیشیریرام او قورآنین یییه‌سینه" دئییب دا ایسته‌گیندن واز گئچدی.
او گونلرده ایدی کی مدرسه‌ده اوردا بوردا ائشیدیردیم نئچه ایلدی ایسراییل-له فیلیسطینین آرالاریندا تورپاق ساواشی وار و بو ساواش ایلردی بیر طرف‌ده اولان چئشیتلی سیلاحلاریلان اوبیری طرف‌ده ایسه اللرینه داش آلاراق موباریزه‌یه داوام وئریردیرلر. کندیمیزده اوُز وئره‌ن بیر آند ایچمه‌نین گوجونه دایاناراق بئینیمدن کئچیردی اونلاردا بئلنچی بیر آند ایچسینلر دا !!! دئییردیم بلکه اوردا دا بیر آغ ساققال تاپیلا و بو نئچه ایللیک ساواشا سون قویا ! 
دوغروسو اوندا اؤز نظریمده دئییردیم بس حق ایسراییل طرفیینده دی؛ نیه کی پارا وئریب تورپاق آلیب و بو تام نورمال دیر، حققی ده وار او تورپاقلارا یییه دورا و فیلیسطینلیلر گرک بو آجی گرچه‌گی قبول ائده‌لر !
سونرالار اؤزومودن فیلیسطینلی‌لره گؤره ائله دوشوندوغومه گؤره اوتاناردیم ، ایسرائیلین نئجه دوزه‌لمه‌سی ، هانسی گوجلرله اورا گئدیب چاتماسی، فلیسطین باشچیلارینین ساتقین اولمالاری و بیر چوخ مسئله منه آیدین اولدوقجا بو اوتانج داها درینله‌شیردی. چوخ زامان اخباردا زاتدا اونلارین ساواشلارین گؤرنده اؤز میللتیمیزی اونلارین یئرینه اولمالارین تصوور ائلردیم ، کی کاش هئش واقت ائتمه‌زیدیم.
میللی مسئله لریمیز ایله تانیش اولدوغومدا قاراباغ، ائرمنیستان،کرکوک ، کیریمه و ... فیلیسطینلیلرین دورومو من‌ده داها دویولوردو. 
بوگونلر تورکیه‌ و ایران حاکیمیت‌لرینین داورانیشلاری، عراقدا گئدن سون اولایلار، ائشیکدن گلن اللر، آمریکا و بوتون امپرالیست رین اللری ، کوردلرین ترپه‌نیشلری، باتی آذربایجان دا سون دوروملار و ... بو قورخونو و یئنی بیر ایسرائییل و یئنی بیر فیلیسطینین یارانماسی گؤزومون اؤنتونده جانلانیب بیر چیرکن تابلو یارالدیر !

هردن دئییرم اولمایایدی بئله کاش ، یا اورتا دوغودا دوغولماسایدیم ، یا بیزده او بیرینجی دونیا دئولتلرینین بیرنده دوغولسایدیق و... لری دوشونورم سونرا بو فیکیر ذهنیمه گلیر : کاش باریشین یولون تاپیب ،بوتون سینیرلاری قالدیریب ، یئنی بیر دونیانین دوزنلرین تؤکه‌بیلسه‌یدیک؛ نه اولاردی !

31 تیر 93

  • حامید مورسلی

اوروجون سیندیران عسگر ( حیکایه‌جیک)

 

بو گؤردویو یای أن ایستی یایلاردان بیری ایدی؛ خیدمتین اؤزونلویونده اولان آغیرلیق‌لار، سیخیجیلیق‌لار و داریخدیریجی اولان دویغولار بیر یانا؛ یایین ایستی‌سی ده بیر یانا. بو اوروجلوق آیینین دا یایدا، اؤزوده سینیر باشیندا بیر پاسگاهدا عسگر اولدوغو زامان یاخاسینین توتماسی بیریاندان لاب کیریخدیرمیشدی بیله‌سین، کلفچه‌سی پؤزولموشدو، هئچ اینجاری یوخودو آتدیمین آتیب ترپنسین ! 

خیدمتینین چوخو هر نه ته‌هر اولموش اولسایدی دا گلیب سووموشدو آزی قالمیشدی، نئجه دئیرلر توشموشدو تسبح سیندیرما گونلرینه، بوتون اوزو یوخاری گونلری ایندی اوزو آشاغایا دوغرو گئدیردیرلر. بو اوزدن قاچماغی و پاسگاهی ترک ائتمه‌نی‌ده هئچ دوشونموردو. اؤز الیلن اؤزونو دوستاقلامیشدی . آمما هر دفعه سئوگیلیسی یادینا دوشوردو بوتون بو زور یاشام نظرینده هئچ سانیلیردی. دئمک سئوگیلیسینین تخییوللاری اولماسایدی چوخدان قیرپاچ ائلردی، بو سئوگی‌نین اولماسی بیله‌سین بوندان چوخ آغیر دوروملارادا حاضیر ائتمیشدی .سادجه بیر آن گؤزلرینی یوموب سئوگیلیسین گؤزلرینین اؤنونه گتیردیغینده دونیانین بوتون یورغونلوقلاری جانیندان چیخیردی.

او گون هاوانین دورومو آشیری درجه ‌ده ایستی ایدی. اوروجون سیندیرماق زوروندا قالدی ، سادجه بیر قورتوم سو ایچمه‌ک ایسته‌ییردی. سوسوزلوقدان ایت لح‌له‌مه‌یه توشموشدو. یئمک یئمه گؤیلوندن کئچسئیدی‌ده بیله بو خارابادا یئمه‌یه هئچ بیر شئیالده ائده بیلمزدی. دوغروسو هر یئردن ال قولو اوزولموشدو، اؤزوده بئلنچی بیر ایتین قودوران یئرینده هئچ بیر ایش الیندن گلمیردی.

بو اوزدن فرمانده‌لرینی گؤز گؤز ائله‌ییب اؤزونو شیرین سویونون باشینا چاتدیردی.داها کیسه‌نی گؤز گؤز ائله‌مه‌دن شالپا دوداقلارینی شیرین سویو آخان دوداقلارینا دایادی ، دئیه‌سن شیرین دودوقلارینین یانقیسی ایمیش؛ وحشی‌جه‌سینه قورتوم قورتوم سو ایچیردی هر قورتومدا بوغازینین قیرتدانی هیزلی شکیلده ائنیب قالخیردی و سویون سومورماسینا ندن اولوردو. ائله سوروردو سانکی کؤرپه قوزونو بیر گوندن سونرا ننه‌سینین آلتینا آتمیشدین . دئیه‌سن او لحظه دونیادا داها هئچ نه ایسته‌میردی و چاتدیغی بو گؤزل آندان اولدوقجا لذت آپارماق ایسته‌ییردی.

 

همئشه آناسیندان ائشیتمیشدی کی دئیردی اوروج توتوروق بوندان اؤتورو کی آجلارین، سوسوزلارین دوروملارینی دریندن آنا بیله‌ک. آنجاق بوگون اوروجون سیندیرسایدی دا بیله دریندن اونلارین دورملارینی آنیب چئوریسینده اولان ساییسیز نعمت لری أن باشدا اولان حیات وئریجی سویو بیرداها دریندن دویدو.نم هارداندیرسا اورمو گؤلو گؤزونون اؤنونده جانلاندی، سوسوزام سوسوز دئمه‌لری ، یانقیندان باغیرمالاری، قان آغلاماقلاری ، سونوندا سوسوزلوقدان قوروماسی و . . .

بو اینسان اوغلانلارینین نه قدر نانکور اولدوقلاری ، سویو گؤلون اوزونه باغلامالاری؛ سوسوزلوقدان گؤلون آلوولامالاری ،و...  گؤزونون اؤنونده بیر چیرکین تابلو یاراتدی !

بوتون شیرین دویغولاری آجیا دؤنوشمه‌ک‌ده ایدی کی، فرمانده‌لری اوجا سس ایلن بیله‌سین چاغریب " اوغلان به سن اوروج دئییل سن؟؟؟ " دئدی

ال قولون ایتیرمیش عسگر، ایکی اووچ دفعه یئره توپوره‌رک ، دیلی توتار توتماز " نیه  اوروجام " دئدی !!!

"اولسون، بیلمه‌ییب سن ، باطیل اولماز اوروجون" فرمانده دئدی.

 

29 تیر 93 - حامید مورسلی (رمضان آیی‌نین 22 سی)

  • حامید مورسلی

خولاصه: وارلیق، بوگونکو وارلیغیمیزین تمل داشین قویدو !



بیلیم یوردو چاغلاریندان بیر دوستوم ایله بیرگه جیددی اولاراق ایراندا تورک میللتینین مسئله ‌لری‌ایله تانیش اولدوم، باشقا هئچ کیمسه‌ایله ایلگیمیز اولمادیغینا و دوغروسو عاییله‌میزده بیرآز دوشونجه یوخسوللوغو اولدوغونا گؤره تام اولاراق اؤزوموز اؤز قیچیمیزین اوستونده دایانماق زوروندایدیق. بو اوزدن اینتئرنت بیزیم أن گوجلو اؤیرتمنیمیز اولموشدور. آزدان چوخدان بیزی اوخوماغا و آرتیق بیلگی قازانماقا چالیشدیریردیر. چالیشیب اوخویوب بیلدیکجه نه‌قدر گوجسوز، بیلگی‌سیز، دَیاز اولدوغوموزو دریندن دویوردوق. بیلیم یوردونون ایکینجی ایلی انجمن‌ایسلامی سئچگی‌لرینده بیر ائتیلاف اولاراق یوخاری ساییلان " انجمن ایسلامی‌ "-نی تحویل آلدیق. بیز او درنه‌یه گیردیغیمیزدن بری بوتون درنه‌یین آدینا چالیشمالار، یازیلار، درگیلری، بولتن و... ده آذربایجان و کیملیک دیله‌ییجیلیگی گؤزه چارپیردیر. یادیمدا "نیکوزیا،(قوزئی قیبریس)"-دان توت اوکراینین کیریم تورکلرینه قدر یازی یازیب پایلاشاردیق، بوتون ایمکانلاریمیزین یئتدیغینه قدر. بئله دئیه بیله‌رم ماراغا بیلیم یوردونوندا ایلک اؤیرنجی لر بیزیدیک میللی مسئله‌لر و تورک روحونو بیلیم یوردوندا دیریلتمه‌یه چالیشدیق. دئیه بیله‌رم بو یولدا بیر چوخ زحمت و مشققت‌لره، مشروط اولماقلارا قاتلاشاراق، درسدن، یاشامدان ، و بیر چوخ دیلخوشلوغوموزدان قالسایدیق دا بیله ائلیه بیلدیک ماراغا بیلیم یوردوندا "ماراغا بیلیم یوردونون آذربایجان تانیتیم اوجاغی "-نین تمل داشینی قویاق و بیر موستقیل، موجویزلی و یئری گؤرونن دَرنه‌یین آچیلماسینا نده‌ن اولاق.

یادیمدا او ایللرده دوستوملا بیرگه هر هفته‌نین سونوندا شَهَرایچینده اینجه یولدا (پیاده رودا) بیر کؤهنه کیتاب ساتانی‌نین یانینا گئدیب اوجوزونا، گؤیلوموزدن کئچن کیتابلاری سرگیله‌دیگی کیتابلارین ایچه‌ریسیندن سئچیب، اوخوماغیمیز اوچون آلاردیق.

أن ائتکیله‌ییجی و گوجلو، همده تورکجه کیتاب، کی او ایللرده یادیمدا او کؤهنه کیتابچیدان آلیب اوخوموشدوم رحمتلیک تبریزلی علی‌نین "دیل و ادبیات" کیتابی‌ایدی. هله‌ده چوخ گوجلو و دولو دوشونجه‌لی بیرکیتابدیر منه. باشقا تعریفده دئسه‌م مانیفست اولاراق کیمی بیر کیتاب ایدی منیم اوچون.

واریق درگیسین ده اوردان تانیدیم. یادیمدا بیر دفعه دوستوملا بیرگه وارلیق درگی‌سینین 12دنه سایین کؤهنه کیتابلارین ایچیندن تاپیب آلدیق. وارلیغین قات قاریشیق شوماره‌لری ایدی.68-78 ایللرینه عایید دریگی‌لر. اوندا ایلک اولاراق وارلیغینان تانیش اولدوم. آللاه عؤمور وئرسین سایین پروفسور دوکتور جاواد هئیت، رحمتلیک دوکتورحمید نوطقی،اوستاد فرزانه و ...کیمی اوستادلاریلان وارلیغین گوجو ایله تانیش اولدوم و بو تانیش اولدوغوما نه‌قدر غرور دویوردوم. دوغورسو بئلنچی گوجلو چالیشمالاری هئچ سانمازدیم آنجاق بو آلچاق کؤنوللو، دولو دوشونجه‌لی اینسانلار یورولمادان،کیمسه‌دن شیکایت ائتمه‌دن ،اؤز مالی ایمکانلاریندان اسیرگه‌مه‌دن یازیب یارالدیردیرلار بو منه داها غرور وئریجی ‌ایدی.

ایکی اووچ آی اؤنجه اوستاد هئیت-ین حاضیرلادیغی وارلیغین ضمیمه‌سی " یئنی دیلچیلیک " گلیب الیمه چاتدی؛ دوغروداندا بو کیشی عؤمرو بؤیو نه خیدمتلر کی ائتمه‌ییب بیزیم دیلیمیزه، قوجا و خسته ایکن گئنه چالیشمالاری دیه‌ر باخیمیندان هله‌ده بیرینجی سیرادا یئر آلیر منجه.

بوتون بو چالیشمالاری، عؤمرونو بو یولدا وقف ائتمه‌لری، پروفسور هئیتی او یئره چاتدیردی کی بوتون آذربایجان عئشقینه اوره‌کلری چیرپینانلار جاواد هئیتی اؤزلرینه بیر معنوی آتا و ال چاتماز زیروه‌لرده اولان بیر اؤیرتمن بیلدیرلرو فخریلن ده بونو دئمه‌ییندن چکینمه‌دیلر منده اونلارین ایچینده. آنجاق بوگونلر آذربایجان تورکلرینین معنوی آتاسینین ساغلیق دورومو ائله‌ده سن دئیه‌ن یاخشی دئییل دئمک اوستاد یاشام موجادیله‌سی ائدیر.سون وئریلن بیلگیلره گؤره اوستادین دوروما یاخشیلاشیب آنجاق داها یاخشی اولوب ساغالمالارینی دیله‌ییب ائلیمیزین باشی اوسته کؤلگه‌لرینین اولماسینی تام کؤنولدن دیله‌ییریک.

اوستادین داها ساغالماسینا دوعا ائدیب سیزی ده دوعا ائتمه‌یه چاغیریرام.

 

(حامید مورسلی 25 تیر 93)

  • حامید مورسلی

اوشاقلیق آنی‌لاریمدان

ایبتیدایی‌نی کندیمیزین مدرسه‌سینده اوخوموشام. سحر چاغی کیلاسلاریمیز 8/30 دان باشلاردی ناهاردا دا معلیملریمیزین ائولرینه گئتمه‌لرینه گؤره یاریم ساعات زنگی تئز چالاردیرلار ؛ مدره‌سه میز بیر تپه کیمی یئرین اوستونده یئرله‌شمیشدی ائله بو اوزدن مدره‌سه میزین دالی طرفینده یئرله‌شن باغچالارا تپه‌دالی دئیردیرلر.نه دوواری واریدی نه دوزاغاللی بئهداشتی سئرویسی.داشدان پالچیقدان تیکیلمیش مدره‌سه بیر چوخلارینا اوردان ایلک تحصیللرینی آلماقلارینا ندن اولموشدور
سون زنگین آخیر دیقه لری هامی کیرکیتابی‌لاریندان توت سیلگی، قلم‌لرینه کیمی جامتایی لاریندا یا بیر سیرالاری کیفلرینده یئربه‌یئر ائدردیرلر. او دومئیدانی‌ده باشلانیش سیلاحینین سسلنمه‌سینی گؤزتله‌ین ایدمانچیلار کیمی بیزلرده سون زنگین چالینماسینی گؤزله‌یردیک. زنگ چالیندیغیندا سانکی قفس‌دن قورتولموش قوشلار کیمی یا داها اویغون یانسیتما دئسم ؛ موزا آریسی چالمیش بوغالار کیمی اوجا سسیمیز ایلن " ائـــــــــــــــــــــو " باغیراراق قوشا-دؤرد-أم یوللاناردیق ائولریمیزه ساری. ائله‌بیل هامی اؤز آراسیندا ایستردی بیرینجی نفر ائولرینه چاتسین. تپه کیمینی ائویمیزه ساری قاچدیغیمیزدا اؤزوموزو بیر تکه‌ر کیمی حیس ائدردیک کی بیر سیرتیق اوشاق بیزی اوردان هئللتمیشدیر ؛ هاوا نین اوزونده ائله یئلله‌نیب قاچیردیق، سانکی بولودلاردان آیاقلاریمیزین آلتیندا ییمیشاق فرش سالمیشدیرلار.

  • حامید مورسلی

بوشقاب!  (اؤیکوجوک)




گشت سین سین کوچه‌لری گزیردی ؛ باش فرمانده بیله‌لرینه دئمیشدی بو گون الی بوش قاییتساز هر تکینیزه بیر توبیخ یازیب یوخاریداکیلارا گوزاریش ائده‌جه‌یم ؛ دا بو مندن سیزه سون دویورو اولسون، ایندی قالیب چیخارینیزا، یا شهرده دولو اولان دام دوواریندان بیر بوشقاب آختاریب تاپمالیسیز یادا بازاردان بیر آکبندین آلیب گتریرمه‌لی‌سیز ؛ آیلاردی آمارلاریمیز صیفیر دی، منیم حوزه‌مده بو قدر ماهواره اولا اولا ، سیز قولو قیچیندان اوُزون قاییدیرسیز ، بوگون بئله اولمایاجاق هااااااااا !!!!

بو اوزدن بو گون هر یئردن اولموش اولسایدی دا آزی بیر ماهواره توتمالیدیرلار. اونا گؤره لاب لیم لیم آرابانی کوچه‌لرده آختیراراق ، ایچه‌ریسینده ایله‌شنلر دؤرد گؤز اولوب دام دوواردا ماهواره بوشقابی گزیردیرلر ؛ گونده آتدیما بیر بوشقاب گؤرونن شهرده دئیه‌سن بو گون هئچ ماهواره بوشقابینین ایری توزودا یوخودو ؛ باخدیقجا دا لاب گیجه‌میشلر کیمی کرپیش، سیمان، مرمر داش و ایزوگامدان سونرا هئچ نه گؤره بیلمیردیلر. سانکی گؤزلری تیلیسیمه توشموشدور !

- " آهان جیناب سروان بیرین گؤردوم " دالی صندلده ایله‌شن عسگر دئدی

- "هانی ؛ هایاندادی، به نیه من گؤره بیلمیرم؛ هانسی دامین اوستونده دی؟؟؟ " فرمانده دئدی

- " او بیر مرتبه‌لی، یالنیز تیکیلمیش، کرپیشلی دامداشین اوستونه دیققت ائله‌یین، اودو با ، من قشه گؤرورم بااا "  عسگر دئدی

- " آهان منده گؤردوم ؛ تئز سور اورا کی تاپمیشیق ، دده‌میز یاندی بوگون؛ آمما دئیه‌سن سونوندا تاپدیق! " فرمانده سوروجویه دئدی!

تئز اؤزلرینی گؤردوکلری ائوین قاپیسینین قارشیسینا چاتدیردیلار؛ ائویین دؤوره‌‌سینده بیر دؤور فیرلاناراق داما دیرماشماقلارینا یول تاپا بیلمه‌دیلر ، بو اوزدن قاپینی چالماق و دام ییه‌سیندن بوشقابی ایسته‌‌مک زوروندا قالدیلار. قاپینی چالیب بیر نئچه دیقه‌دن سونرا  بیر بئله بوکولموش قوجا کیشی قاپینی آچیب؛ قوجا سسی ایلن " خوش گلیب سیز بویورون گؤرک " دئدی!

فرمانده باشلادی الینده اولان بیر کاغاذدان بو سؤزلری حاجی‌یا اوخوماغا:

« حکم قانون در مورد ماهواره:

بر اساس قانون ممنوعیت به کارگیری تجهیزات دریافت از ماهواره مصوب 23/11/1373 مجلس شورای اسلامی،توزیع و استفاده از تجهیزات دریافت از ماهواره جز در مواردی که قانون تعیین کرده ممنوع می باشد. و وزارت کشور موظف است با استفاده از نیروی انتظامی و یا نیروی مقاومت در اسرع وقت نسبت به جمع آوری تجهیزات دریافت از ماهواره اقدام نماید. »

 

- حاجی فرمانده‌هین سؤزونو کسه‌رک " آی بالا ؛نه دئییرسن ؛ من کی باش تاپمادیم سن نه دئییرسن ؛ اؤز دیلیمیزده دی گؤروم آخ نه دئییرسن  سن،  بلکه اوندا باش تاپدیم " دئدی

" حاجی ایزین وئرسه‌ز گلمیشیک ماهواره‌نیزی آپاراق " فرمانده دئدی

- بو ائوده بیر منم بیرده بیزیم بو حاجی خانیم؛ بوردا میراثا قالمیش تیلویزوینوموزدا هئچ یئری توتمورو؛ اونا گؤره بو ماهواره‌نی بؤیوک اوغلوم آلیب گتیریب قوشوموشدو بیز " تربیز" (تبریز:سهند)  کانالینا باخاق،  اونودا کی نئچه آیدی آروادین الی ایلیشیب دستگاهین کنترولونا هئش یئری توتمور؛  نه تربیزی، نه اورمیه‌نی  نه‌ده اردبیلی!!  ائله آپارماغینیز صلاح‌دی،دای بیز کی باخا بیلمیرک ؛  بو اوشاقلاریندا هئش بیری آیلاریدی بیزه  گلمه‌ییب لر ؛ تاپیشیرام  اونو دوزلده‌لر !

کیشی توموب ، دولومسایاراق  " دئیه‌سن بؤیوتدوغوموز اؤز دوغما اوشاقلاریمیز دا بیزی اونودوبلار ! " دئدی

فرمانده توموبان بیر نئچه دیقه فیکیره جومدو، سونرا کیشیه دئدی حاجی ماهواره‌نی منه گؤسته‌ر گؤروم ؛

حاجی‌دا اولسون دئییب ، قاباقا توشوب یول گؤسته‌ره رک فرمانده‌هی ایچه‌ری‌یه آلدی

فرمانده ماهواره‌ ایلن تیلویزونو آچیب ماهواره‌نی رادیو لیسته‌سیندن چیخاردیب تبریز کانالینین اوستونده بیر داها تنظیم ائده‌رک حاجیا دئدی حاجی بودا سنین تبریز کانالین !

حاجی دریندن " بالا آللاه ایشیوی راست گتیرسین ؛یامان داریخیردیق بو تکلیکده، گئنه بو قولاق یولداشی اولار بیزه " فرمانده‌هه دئدی !

فرمانده ایسه " کیشی خوش اول ؛ گونده آزی بیریول  بودان کئچیریک. هر زامان ماهواره‌ن قاتیشدی منه خبر وئر" دئدی و حاجی ایلن ساغوللاشیبان او ائوی الی بوش ترک ائتدی !

نئچه دویغو ایچینده چالخالانماغا باشلانمیشدی ؛ آمما اؤزونون اوره‌یینین لاب دیبینده او گونو حاجینین ماهواره‌سینین توتماماسیندان اؤتورو، موتلولوق دویغوسون دریندن دویوردو !

آرابادا اوتوروب ، بیر داها یولا دوشوب ، دام دوواری سئزمه‌یه باشلادیلار ، بلکه باشقا بوشقاب تاپسینلار دییه!
 
حامد مرسلی

  • حامید مورسلی

(فرانتس کافکانین دوغوم گونو موناسیبتینه گؤره اونون وصیت‌نامه‌سین اؤز دیلیمیزده، حوضورلاریزا چاتدیریرام؛ اومارام به‌یه‌نمیش اولاسیز)


 

عزیزیم ماکس، یقین کی، بو دفعه من آرتیق یاتاقدان قالخا بیلمه‌یه‌جم؛ بیر آی ایچینده معروض قالدیغیم حسبه‌دن سونرا آغ جییریمین ایلتیهابی بوتؤولوکله اولاناقلی‌دیر. بو باره‌ده یازماغیمدان اولارغی ائتکی‌یه مالیک اولسا دا بیله ستلجمین قاباغینی آلماقدا باشاریسیز دیر.

تؤره‌نیلمیش دورومدا منیم ایندییه‌کیمی یازدیقلاریما گؤره وصییتیم بئله‌دیر:

 

بوتون یازدیقلاریمدان یالنیز بو کیتابلار اعتیبارلی‌دیر: "حؤکم" ،"اوجاقچی" ،"چئوریلمه" ، "محکوملار کولونییاسی" ،"کند حکیمی" و "قولو دار" نووئللیاسی. ("گؤرونگولر"ین مؤوجود اولان بیر نئچه نوسخه‌سی قوی قالسین، اونلاری محو ائتمک اوچون هئچ کیمی آرتیق اینجیتمه‌ک ایستمیرم، آنجاق اونلارین ایچه‌ریسیندن هئچ نه یئنیدن چاپ اولونمامالیدیر.) من دئینده کی، او بئش کیتابی و نووئللیانی اعتیبارلی ساییرام، بونونلا هئچ ده اونلارین بیرداها نشر اولونمالارینی و گله‌جک اوچون ساخلانیلمالارینی دیله‌دیگیمی نظرده توتمورام، عکسینه، اونلار تام شکیلده سیرادان چیخیلسالار سا، بو، بوتؤولیکده منیم ایسته‌گیمجه اولاردی. بیر حالدا کی، اونلار واردیرلار، من سادجه اولاراق اونلاری ساخلاماق آرزیسیندا اولانلارا انگل تؤرتمک ایسته‌میرم.

 

یازدیغیم قالان بوتون شئیلر (قزئتلرده چاپ اولونانلار، أل یازمالار، یاخود مکتوبلار) تام ایستیثناسیز اولاراق یاندیریلمالی‌دیر؛ اونلارین هامیسی خواهیشله، میننتله – نه‌یین باهاسینا اولورسا، اولسون گؤندریلن شخص‌-لردن (شخص‌-لرین بیرچوخونو اؤزون تانییرسان، صؤحبت أن تمل حاقیندا گئدیر ، خانیم فئلیسه اِم*،خانیم یولیه ویرتسک-ین اؤنجه‌کی آدی ** و خانیم مئلینا پولاک *، علی‌الخصوص پولاک-دا اولان بیر نئچه دفتری اونوتما) الده اولونمالی و تام ایستیثناسیز اولاراق هامیسی یاخشی اولاردی کی، اوخونمادان یاندیریلسینلار (من سنه اونلارا باخماغی قاداغان ائتمیرم، آنجاق، البتته سن بونو ائتمه‌سه‌یدین منیم اوچون داها خوش اولاردی، هر حالدا باشقاسی اونلارا باخمامالیدیر)، – تام ایستیثناسیز اولاراق هامیسی یاندیریلمالیدیر بو اوزدن سندن خواهیش ائدیرم بونو مومکون قدر تئز ائده‌سن.

 

فرانتس

 



أته‌ک یازی :

Felice Bauer کافکانین بیرینجی آداخلی سی کی Moritz Marasse ایلن ائوله‌نندن سونرا ائشینین آدیلا Marasse چاغیریلیردی.

* Wohryzek Julie کافکا اونون ایکینجی آداخلی‌سی ساییلیردی بیر حالدا کی آماجلاریندا واریدی 1919 نوامبر آییندا ائوله‌نه‌لر. آنجاق کافکانین عاییله‌سی بو ائولنمک‌ ایله شیدتله قارشی اولدوقلارینا گؤره 1920 جولای آیی آداخلیلیغی آرادان قالدیردیرلار.

* Milena Jesenská ؛ Ernst Pollak ایلن ائولندیغیندن سونرا ائشینین آدیلا پولاک آدلاندی. او کافکانین چئک‌جه‌یه چئویرمنی ساییلیردی و کافکا ایله اؤزل و رومانتیک ایلیشگیسی واریدی.

حامید مورسلی 13 تیر 93

  • حامید مورسلی

قدس گونو باشقا آچیدان

دونن نئچه آی گؤروشه‌بیلمه‌دیغیم بیردوستوملا بیرگه چیخدیق شهرین ایچینده بیر فیرلاناق ؛دانیشا دانیشا ، یئرده ، یولوموزو سالدیق صوفو چایینین قیراغینا ساری. آنجاق چوخ آجی و دئمک اولار چیرکین بیر صحنه‌یه شاهید اولدوق.
یولو بیر نئچه گؤرونتو و بنر قدس گونو موناسیبتینه گؤره گؤردوک؛ بیزیم قاباغیمیزجا بیر کؤرپه اوشاق ، 4-5 یاشی آنجاق اولاردی، آناسی ایله بیرگه گئدیردیرلر . شهردارینین یاپیشیغیندا بیر بسیج پایگاهی وار؛ او پایگاهین اؤنونده داربست گوجونه اووچدنه دار آغاجی حاضیرلاتمیشدیرلار و ایسراییل ، آمریکا و اینگیلیسین موغاپبالارین دارا چکمیشدیرلر!. صحنه‌نی تاساریلایان چوخ چکیجی تاساریامیشدی، قانلی اللر شکیلین موغاپپالارین اوستونه سالمیشدی ،او اؤلکه‌لرین چیریق پیریق بایراقلارینی‌دا او موغاپبالارین داللارینا آسمیشدیر. بوتؤولیکده دئمک اولار چوخ قورخوج بیر تابلو یاراتمیشدیر.
آنجاق همین سؤزو گئدن آنا ایلن اوشاقدا او صحنه‌نین اؤنوندن کئچیردیرلر بو اوزدن او اوشاغا صحنه‌نی گؤرمک قاچیریلمازیدی.
منیم گؤزوم اوشاقدایدی؛ اوشاق سانکی دؤرد گؤزلو اولموشدو ، بیلمیرم نه‌یه فیکیرله‌شیردی، بیر الی آناسینین الینده ایدی آنجاق گؤزلرین دیره‌میشدی او چیرکین صحنیه ؛ اوردا اوزاقلاشدیقلارینا رغمن گئنه اوشاغین بوینو او صحنیه ساری أیریلمیشدیر. بیلمیرم او موغاپبالارا فیکیرله‌شیردی ،دار آغاجینا فیکیله‌شیردی، آسیلماغا فیکیرله‌شیردی یا باشقا زادلار، اوشاغین کیچیک و هر نه‌یی تئز گؤتورن بئینیندن کئچیردی ! 
ایندی کوچه‌ده همین اوشاغین یاشیتلارین گؤردوم دونن قدس گونونده ائشیتدیکلری شوعارلاردان ائتکیله‌نه‌رک، باشلامیشدیلار " مرگ بر آمریکا " دئییردیرلر . 
ناپلئون بوناپارتین بو مضموندا بیر سؤزو وار دئییر : بیر شکیل تابلوسو، نئچه‌دنه کیتابدان، دوزگون و گؤزل شکیلده دئمک ایسته‌دیگی سؤزو چاتدیرماق گوجونه مالیک دیر !
ایندی سیز حئساب ائدین دونن او شیددتله گؤردوغو جانلی تابلونون او اوشاغین ناخودآگاهیندا هانسی ائتکیلر بیراخا بیلمه‌ک گوجونه مالیک دیر.

----------------------------------------------------

ی. س 1 : قوشقوسوز ، آمریکا ، ایسراییل و بوتون اؤز حققینه قانع اولمایان اؤلکه‌لر محکومدولار 
ی. س 2: داورانیشلاریمیز و ایشلریمیزین چوخ پیس و هر طرفلی ائتکیلرینه‌ده فیکیر وئرسه‌یدیک پیس اولمازدی !

  • حامید مورسلی
 
 
به‌ راستی چرا از باخت تیم ملی ایران مقابل آرژانتین خوشحال شدم ؟؟؟



چه کسی می خواهد من و تو ما نشویم؟ 
خانه اش ویران باد
من اگر ما نشوم تنهایم 
تو اگر ما نشوی خویشتنی.

بسیاری از کارشناسان مسائل خاورمیانه مشکل اصلی خاورمیانه را قطبی شدگی (دینی؛ قومی؛ اقتصادی؛ فرهنگی و...) می دانند و بانی اصلی جنگ ها و خونریزیهای اخیر و بلکه آینده‌ی نه‌چندان‌دور را در عدم پذیرش و عدم احترام به دیگری‌ با هر اندیشه و نگرش مختص به خود آنها از سوی ساکنان فعلی آن می دانند. جایی که"قاره گوناگونی‌ها " نام دارد ولی در عمل صاحبان قدرت در جهت یکسانسازی گام برمی‌دارند که طبیعتا اینچنین عملی بازخوردی جز جنگ، نفرت، کینه، صلب اطمینان از همدیگر، خونریزی، و صد البتده تامین منافع اربابان قدرت و دوستداران صید ماهی از آب گل‌آلود نخواهد داشت.

مقایسه جام های جهانی 1998 و 2014 که ایران نیز در آنها حضور داشت با یکدیگر کار سختی نیست و به نوعی نمود سیاستهای پلید در این بین را می توان در کنش متقابل و متفاوت ملل ذی‌حق دید که جای تأمل و تفکر بسیاری را می طلبد.روزی همه ایران ایران می‌کردند و امروز از باخت چنین تیمی، بااصطلاح تیم ملی خوشحال می شوند. 
آخر چه بر سرمان آمده است که این‌روزها اخبار زرد و رویدادهایی که انتظار می رود در گفتمان روشنفکری جایگاهی نداشته باشند یا حداقل مورد نقد، بررسی و ایرادیابی قرار گیرند به متن آمده و نقل محافل می گردند؟؟؟
در عجبم از این ملت غرق در توهمات پوچ قرون وسطایی که به راحتی آب خوردن بازیچه می شوند و دانسته یا ندانسته وارد معرکه ای می شوند که دو سرباخت است. این نه به صلاح خود آنان و نه هیچ یک از ملت‌های ساکن در ایران است و کورسوی امید برای آینده راخاموش خواهد کرد.
به راستی چرا شعار تیم ملی فوتبال و بسیاری موارد دیگر که باید تمثیلگر کل جامعه ایران باشد به نام قوم پارس نوشته می شود و سایرین به حاشیه رانده می شوند؟
چرا مسائل خیلی مهم و حیاتی مورد توجه قرار نمی گیرد؟
چرا بر طبل جدایی می کوبند و انتظار دارند طرف مقابل آنرا با جان و دل بپذیرد؟
سوال اساسی آیا نه این است که علاج واقعه را قبل از وقوع باید کرد؟
وقتی خود به چشم خود می بینیم که چنین کارهایی در جهت ایجاد فضای قطبی شده و عدم ایجاد گفتمان صحیح و منطقی بین ملل ساکن در ایران است باز دانسته بر این اختلافات دامن می زنیم و خود بازیچه دست افراد معلوم الحال می شویم؟
نکته‌ی اساسی این است که جهت پیشبرد گفتمان آزاداندیشی ، نیل به دموکراسی و گذار از این دوران باید و باز باید دگر اندیشان را آنگونه که هستند بپذیریم . امروز ملل غیر فارس ساکن در ایران هر کدام دارای گفتمان و تفکر برآمده از بطن جامعه‌ی خود می باشند و اساس کاری و حرکتی خود را در جهت نیل به اهداف و خواست های ملت های خود قرار داده‌اند.جامعه خود بهترین معلم برای آنهاییست که می خواهند حقیقت را ببینند. وقتی شعار تیم ملی ایران فقط به نام قوم پارس مزین می شود و فقط تمثیل‌گر قوم پارس می‌گردد طبیعی است که باید انتظار آنرا داشته باشیم که سایر مل ساکن در ایران آنرا برنتابند و حتی در جهت نفی چنین اقدامی و به صورت ری‌اکشن خود را طرفدار تیم های رقیب اعلام نماییند و از باخت چنین تیمی ابراز خوشحالی هم نمایند.
طبق اصل اساسی علم فیزیک: هر عملی عکس‌العملی دارد مساوی با آن و در خلاف جهت.

" دینا احترام به دیگریست و آن دیگری منم و از این دیگری بودنم لذت میبرم.
بدان امید که قصری بنا کنی روزی
به تیشه کلبه آباد خویش مکن ویران "
(رضا طالبی)

انتظاری که از دوستان با آن همه رسانه و پشتوانه می‌رفت این بود که حداقل در اولین ساعات اعلام چنین شعار نژادپرستانه‌ای با اعلام برائت خود از بانیان چنین حرکت سخیفی، برادری خود را ثابت نمایند و همراه بسیاری دیگر چنین اقدامی را محکوم نمایند و در جهت اعتمادسازی و تحمل دیگری بودن سایر ملل ساکن در ایران به نوعی قدم عملی بردارند. که ما متاسفانه باز شاهد تکرار اشتباه تاریخی آنان،سفسطه و خلط مطلب از سوی این عزیزان بودیم. که با بررسی تاریخی چنین اقداماتی بازنده‌ی نهایی را باز همین عزیزان می بینم.

آیا به راستی زمان آن نرسیده که در رفتارمان تجدید نظر کنیم و همه با هم به شعارهای نژادپرستانه از قبیل: ستارگان پارس ؛ شاهزادگان پارس؛ هرکولهای پارس؛ افتخار پارس؛ آسمانخراشهای آریایی و ... نه بگوییم؟؟؟

(حامد مرسلی؛ ا تیر 93 )
  • حامید مورسلی