آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

دیل وارلیغین ائوی‌دیر دئمیشدی هایدگئر؛ بو اوزدن وارلیغیمیزی قوروماق اوچون دیلیمیزی قورومالییق دئیه دوشونورم. بو دوشرگه‌ده اؤز آنادیلیم اولان تورکجه‌ ده یازاجیام؛ گونده‌لیک آنیلاردان، ادبیات، حیکایه و آراشدیریجی یازیلاریما کیمی. چالیشیرام قونو سئچیمینده چوخ سینیر قویماییب و بوتون قونولاردان بیلدیگیم و یازماق ایسته‌دیگیم قده‌ر یازام. یازماق منیم دیریلیگیمین بَلیرگه‌سی دیر :)
سیز ده دیریلیغینیزی بیلمه‌ک ایسته‌ییرسینیزسه یازماغا باشلایین !
یادیمدان چیخمامیش: سلام، خوش گلیب‌سیز :)

سون گؤندری‌لر
سون یوروملار

احمد شاملودان چئویردییم بیر شعر

پنجشنبه, ۱۷ ارديبهشت ۱۳۹۴، ۰۱:۱۴ ق.ظ

احمد شاملودان چئویردییم بیر شعر:




گؤردویوم أن گؤزل اینسانلار
آلاگؤزلو دئییل‌دیلر
اوجا بویلو
لؤح دوداق
توکلری ساریمتیل،
هئچ بیریسی
أن گؤزل دئییل‌لر.
آدلیم برندلرین مودئل‌لری
أن گؤزل دئییل‌لر؛
دونیا سینئماسی‌نین اولدوزلارینا بنزه‌ین‌لر
أن گؤزل دئییل‌لر؛
أن گؤزل‌لر
یالنیز
دانیشدیقلاری سؤزلره بنزه‌ییرلر
و نئجه ده سئومه‌لی‌دیرلر
سؤزلرینه اوخشایان اینسانلار
اینسانلیق قوخولاری
اون مئتیرلیک‌دن
بیرنینا چاتیر
‌اونلارلا بیرلیکده‌یکن
چایین سویویار
و
ساکینلیک‌لری
ایچ‌قاتینی بورویه‌ر
یاشامینیزدا 
بئلنچی بیر أن گؤزلی وارینیزدیرسا
ده‌یرینی بیلین
اونلار چوخ
آزدیلار
بیر سیرالاری‌نین نورمال اوزلری وار
آنجاق
سینه‌لرینین سول یؤنونده چیرپینان نسنه، اوره‌ک دئییل
سئوگی اوقیانوسودور.
بیر سیرالاری‌نین سس تونلاری نورمالدی
آنجاق
دانیشدیقجا، دانیشیقلاری‌نین سئحرینده بوغولورسان.
بیرسیرالاری‌نین بویلاری نورمالدی
آنجاق
وارلیقلاری اوره‌ک چیرپینتیسینا نه‌دن اولار.
بیرسیرالاری چوخ نورمالدیلار
آنجاق
همین نورماللیقلاری؛ اونلارا اؤزل اولان اینانیلماز چَکیجیلیک باغیشلاییر.

  • حامید مورسلی

یوروملار (۰)

هئچ بیر یوروم ثبت اولماییب
ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
تجدید کد امنیتی