آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

دیل وارلیغین ائوی‌دیر دئمیشدی هایدگئر؛ بو اوزدن وارلیغیمیزی قوروماق اوچون دیلیمیزی قورومالیییق دئیه دوشونورم. بو دوشرگه‌ده اؤز آنادیلیم اولان تورکجه‌ده یازاجایام؛ گونده‌لیک آنیلاردان، ادبیات، حیکایه و آراشدیریجی یازیلاریما کیمی. چالیشیرام قونو سئچیمینده چوخ سینیر قویماییب، بوتون قونولاردان بیلدیگیم و یازماق ایسته‌دیگیم قده‌ر یازام. یازماق منیم دیریلیگیمین بَلیرگه‌سی‌دیر :)
سیز ده دیریلیگینیزی بیلمک ایسته‌ییرسینیزسه یازماغا باشلایین.
یادیمدان چیخمامیش: سلام، خوش گلیب‌سینیز :)

سون گؤندری‌لر
سون یوروملار

persona

چهارشنبه, ۱۲ فروردين ۱۳۹۴، ۰۵:۲۸ ب.ظ

persona

یؤنتمن" Ingmar Bergman

یازار: Ingmar Bergman

اویونچولار:  Bibi Andersson,Liv Ullmann,Margaretha Krook

سئناریونون اؤزه‌تی:
ائلیزابئت ووگلر بیر اویونچو دور؛ بیرآن بیر اویونلاریندان سونرا یاشاییشینین بوتونونده سوسماق قرارینا گلیر. بلکی داها یاشاییشیندا فیلم اویناماق زوروندا قالماییب یالان دانیشمایا. او خسته فالان دئییل آنجاق اؤزو ایسته‌یه‌رک یاشامینین بوتونونو سوسقونلوقلا کئچیرتمک ایسته‌ییر. بو اوزدن "آلما" آدلی پرستاریلا بیرگه بیر آدایا گئدیب دنیز قیراغیندا بیر سارایدا یئرله‌شیر. ایکی قادین چئشیدلی دوروملاردا ایلگی‌له‌نیب بیر-بیرینه یاخینلاشیرلار. بونلارین بیر بیرینه قارشی داورانیشلاری، کیملیک‌لرینی تانیماق اویونونا چئوریلر، بیر-بیرینه گیریب  بیرگه اولوب و...

"پرسونا" تاساری و بوی باخیمیندان چئشیدلی ماسکالارا دئییلیر. بو ماسکالاری أسکی یونانیستاندا تیاتر اویونچولاری او چاغلاردا کی سس و اوزلرینین قیافه‌سی اوینادیقلاری کارکتئره اویویان اؤزللیکلری داشییا بیلمه دیینده، اویوندا اولان کارئکترین دوغرو اوزونو (کاراکتئرینی) گؤسترسین‌لر دئیه قوللانارمیش‌لار.
"اینگمار برگمانین" "پرسونا" آدلی فیلمی آردیجیل اولاراق ماسکالاریلا اؤز یاشامالاریندا بیر سیرا نسنه‌لری گیزلتمه‌یه عادت ائدن کاراکتئرلری بیچیمله‌ییر. اؤزلری بئیین‌لرینده اولدوغونو دوغرو سانانلار و گئرچکده اولدوقلارینین آراسینداکی فرق‌لردن، قورخودا اولان کاراکتئرلر.
فیلم بیر نئچه أورنسل قونولاری قاپسادیغینا باخمیاراق، فیلمین ایچ قاتلاری تام قادین‌سل پیسخولوژیسیندن ائتکیله‌نیب، بیچیمله‌نمیش، چَکیلی بیر فیلم دیر. اؤرنه‌یین آلمانین ایکی کیشی‌ایله ایلگیسی‌نین آنی‌سینی تعریفله‌مه‌سی و حامیله اولماسینی گؤز اؤنونه گتیرمک اولار.
بیرجه سؤزله دئسم بو فیلمی کسینلیکله ایزله‌مه‌لیسینیز. بو فیلمی ایزله‌دیکدن سونرا ایزله‌دیینیز فیلمی دونشونمه‌مک اولاناقسیزدیر. فیلم دن سونرا دوشونمک سیزی چولغالایاجاق.

12 فروردین 94 حامید مورسلی.

  • حامید مورسلی

یوروملار (۱)

دئدیغینیز کیمی بو فیلمه باخمالیام، دانلود لینکی اگر اؤلسا سیزده چوخ یاخجی اولار حامید بئی. 

تشکورلر
یانیت:
اؤنجه سالام؛ چوخ سئویندیم سیزی بوردا گؤرمک دن
تورئنت باغلانتیسی‌نی تقدیم ائدیرم:
 https://kickass.to/persona-1966-720p-brrip-sujaidr-criterion-t8932376.html
ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
تجدید کد امنیتی