آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

دیل وارلیغین ائوی‌دیر دئمیشدی هایدگئر؛ بو اوزدن وارلیغیمیزی قوروماق اوچون دیلیمیزی قورومالیییق دئیه دوشونورم. بو دوشرگه‌ده اؤز آنادیلیم اولان تورکجه‌ده یازاجایام؛ گونده‌لیک آنیلاردان، ادبیات، حیکایه و آراشدیریجی یازیلاریما کیمی. چالیشیرام قونو سئچیمینده چوخ سینیر قویماییب، بوتون قونولاردان بیلدیگیم و یازماق ایسته‌دیگیم قده‌ر یازام. یازماق منیم دیریلیگیمین بَلیرگه‌سی‌دیر :)
سیز ده دیریلیگینیزی بیلمک ایسته‌ییرسینیزسه یازماغا باشلایین.
یادیمدان چیخمامیش: سلام، خوش گلیب‌سینیز :)

سون گؤندری‌لر
سون یوروملار

yol 1982 یوْل

جمعه, ۲۸ خرداد ۱۳۹۵، ۱۱:۳۰ ب.ظ

yol 1982
یوْل؛
توْپلوم آدلی دوستاغا گئدن بیر یوْل!

یوْل/1982/تورکیه/یؤنتمن: ییلماز گونئی‌/اوْیونچولار:خلیل ارگون، شریف سئزَر، آنیتا پی‌نس و ...
🎥🎥🎥📽📽📽

بئش نفر توتساغا، ایزینلی اؤزگورلوک(مرخصی) وئریلیر، عاییله‌لرینی گؤروب شخصی ایشلرینی یئربه‌یئر ائتسین‌لر دئیه؛ آنجاق ...

🎥🎥🎥📽📽📽

بیر توتساق(زندانی) اؤزگور اوْلارکن، دوستاق‌دان (زندان) بیراخیلیرکن، دوستاغی‌نین اوجا و هوندور دووارلارینی آرخاسیندا بیراخیرکن، مین بیر اومود اوره‌یینده بسله‌ییر. اؤزللیک‌له ایه‌ر عاییله‌سی، سئوگیلیسی یوْخسا اؤزونه اؤزل بیر نَدَنی اوْلورسا. آنجاق ایللر بوْیو توْپلومدان اوزاق ساخلانیلان بیر توتساق توْپلومون ده‌ییشمه‌سی، یوْخسا گلیشمه‌سینی گؤره‌رکن چوْخ دریندن چاشیب، ایچه‌ریسینی بیر قارانلیق قوْرخو بورویه‌ر.

یوْل، دوستاق‌دان ائشیکده اوْلان عاییله‌لرینه یوْخسا سئوگیلی‌لرینه چاتسینلار دئیه بیر سیرا توتساق‌لارین بیر نئچه گونلوک اوْلموش اوْلسا بیله ائشیگه چیخماقلاری‌نین یوْلودور. 


بو یوْل اوْنلارا اوْلدوقجا چتین، هم ده هزینه‌لی دیر. اوْنلار بالاجا دوستاقدان توْپلوم آدلی بؤیوک دوستاغا بیراخیلیرلار. بیر دوستاق کی دوْلودور یئرسیز و اینجیدَن تعصوب‌لارلا؛ دوْلودور یانلیش یارغیلاماقلارلا؛ دوْلودور ساواشلار هم ده بیر چوْخ اینسانی کدرلندیرن نسنه‌لرله.

ییلماز گونئی اؤزو دوستاغین آجی دادینی یاشییان بیریسی ایدی. یوْل‌ فیلمی‌نین سئناریوْسون بیله، توْپلومدا یاشییان وطنداشلاری‌نین آشاغی سه‌وییه‌لی یاشاییشلارینی آغیر درجه‌ده الیشدیرسین دئیه دوستاقدایکن قلمه آلدی. بو فیلم توْپلومون یارالارینا توْخونماق ایسته‌ییر.
یوْل یاییملاندیغی ایلده کن فئستیوالی‌نین آلتین خورما آغاجی (نخل طلایی) اؤدولونو قازاندی.

(ح. م)

  • حامید مورسلی

یوروملار (۰)

هئچ بیر یوروم ثبت اولماییب
ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
تجدید کد امنیتی