آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

دیل وارلیغین ائوی‌دیر دئمیشدی هایدگئر؛ بو اوزدن وارلیغیمیزی قوروماق اوچون دیلیمیزی قورومالیییق دئیه دوشونورم. بو دوشرگه‌ده اؤز آنادیلیم اولان تورکجه‌ده یازاجایام؛ گونده‌لیک آنیلاردان، ادبیات، حیکایه و آراشدیریجی یازیلاریما کیمی. چالیشیرام قونو سئچیمینده چوخ سینیر قویماییب، بوتون قونولاردان بیلدیگیم و یازماق ایسته‌دیگیم قده‌ر یازام. یازماق منیم دیریلیگیمین بَلیرگه‌سی‌دیر :)
سیز ده دیریلیگینیزی بیلمک ایسته‌ییرسینیزسه یازماغا باشلایین.
یادیمدان چیخمامیش: سلام، خوش گلیب‌سینیز :)

سون گؤندری‌لر
سون یوروملار

بئرمه سازی (فیلم)

جمعه, ۲۸ خرداد ۱۳۹۵، ۱۱:۱۹ ب.ظ

The Burmese Harp 1956
بئرمه سازی
باریش اوچون بیر سس

@turkcesinema

برمه سازی/1956/اؤلکه: ژاپن/ یؤنتمن: کن ایچیکاوا/اوْیونچولار: رنتاروْ میکوْنی، شوجی یاسوْی، یان هاماموْرا و...

🎬🎬🎬🎬🎬🌹🌹🌹🌹🌹

ساواش چوْخ تئز قورتارا بیلَردی. بو قَدَر خسارت ایله ویرانلیغی تؤره‌تمه‌سین دئیه هئچ باشلانیلمازدی دا بیله. بو قدر گنج اینسان دونیاسین ده‌ییشمزدی؛ آزجا موسیقی ایله ایلگی‌لنسه‌یدیرلرسه، لطیف دویغویا اؤنم وئرسه‌یدیرلرسه، باریشین سسی‌نی ائشیتسه‌یدیرلرسه، ببرآز داها چوْخ مئهریبان اوْلسایدیرلارسا، هئچ بیر ساواش باش توتمازدی یقین.
بئرمه ساواشی ایکینجی دونیا ساواشی‌نین لاپ آغیر هم ده گوج توکه‌دن ساواش‌لاریندان بیریسی ایدی. بیریتانیا ایله ژاپوْنیا عسگرلری بیر آغیر ساواشا باشلامیشدیرلار. بیر-بیریسینه قارشی بیر ذره‌جه بیله رحم دویغولاریندان ایز قالمامیش دیر. بو قالابالیغین، هم ده ساواشین ویران ائدیجی چاغلاریندا میزوْشیما بیر "ساز" تاپیر. هئچ بیر چالغیچیلیق اؤیرتیمی اوْلمادان سازی چالمایا باشلاییر. ساواش آراسیندا بیر سازین سسی عسگرلری ساکین‌لشدیریر. بیر ساز کی دورومون ساکین اوْلدوغونو گؤسته‌ریر. بیر ساز کی ایکی اوْردونون آراسیندا باریش نغمه‌سینی جانلاندیریر؛ ساواش قورتارسین حوضور قاییتسین دئیه. آنجاق واردیرلار بیر سیرالاری هله ده باریشین سسی‌نی ائشیتمک ایسته‌مه‌ییرلر . هله ده چوْخ قانین تؤکولمه‌سینه جان آتیرلار.
بئرمه سازی باریشین ریوایتی دیر؛ اینسانلیق هم ده یوْلداشلیق ریوایتی. موسیقی سسی‌نین ائشیدیلمه‌سی چاغینین ریوایتی. قارداشلیق گؤره‌وی‌نین یئرینه یئتیریلمه‌سی‌نین ریوایتی.
ایچیکاوا ایزله‌ییجی‌نی فاجیعه‌نین ایچ قاتینا آپاریر. جسدلر بیر-بیری‌نین اوزه‌رینه توْپلانیب دیر. هم ده ساواشین وئرانالاری هر بیر گؤره‌نین اوره‌یینی قان ائدیر. آنجاق بو خارابالیقلارین یانی‌سیرا بیریسی سازی ایله قارداشلیق گؤره‌وینی یئرینه یئتیرمک ایسته‌ییر؛ باریشین برقرار اوْلماسینا چالیشیر.
میزوْشیما، ژاپونیالی عسگردیر. کاپیتان اینوْیه‌نین قوروپوندا ساز چالیر. بیریتانیا ایله ژاپوْنیا عسگرلری اوز به اوز اوْلدوقلاری چاغ سازین سسی ایله اوْخوماق ساواشی دایاندیریر. بیریتانییالی باشچی میزوْشیمادان ایسته‌ییر باریشین خبرین چاتدیریب سوْنرا ۳۰ دقیقه بوْیونجایا کیمی تسلیم اوْلسونلار. میزوْشیما یوْللانیر، آنجاق اوْنلار قبول ائتمه‌ییرلر. بو اوزدن بیریتانییالی‌لار هوجوما باشلاییرلار. کاپیتان اینوْیه‌نین قوروپو بئله سانیرلار میزوْشیما اؤلوب‌دور، آنجاق میزوْشیما ...
ح. م

  • حامید مورسلی

یوروملار (۰)

هئچ بیر یوروم ثبت اولماییب
ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
تجدید کد امنیتی