آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

دیل وارلیغین ائوی‌دیر دئمیشدی هایدگئر؛ بو اوزدن وارلیغیمیزی قوروماق اوچون دیلیمیزی قورومالییق دئیه دوشونورم. بو دوشرگه‌ده اؤز آنادیلیم اولان تورکجه‌ ده یازاجیام؛ گونده‌لیک آنیلاردان، ادبیات، حیکایه و آراشدیریجی یازیلاریما کیمی. چالیشیرام قونو سئچیمینده چوخ سینیر قویماییب و بوتون قونولاردان بیلدیگیم و یازماق ایسته‌دیگیم قده‌ر یازام. یازماق منیم دیریلیگیمین بَلیرگه‌سی دیر :)
سیز ده دیریلیغینیزی بیلمه‌ک ایسته‌ییرسینیزسه یازماغا باشلایین !
یادیمدان چیخمامیش: سلام، خوش گلیب‌سیز :)

سون گؤندری‌لر
سون یوروملار

عروج (فیلم)

جمعه, ۲۸ خرداد ۱۳۹۵، ۱۱:۱۴ ب.ظ

عروج (یوکسه‌لیش) The Ascent 1977

شئپیتکوْ'نون شاه اثری
@Turkcesinema
.

عروج/1977/اؤلکه: سوْوییئت‌لر بیرلیگی/یؤنتمن: لاریسا شئپیتکوْ/اوْیونچولار: آناتوْلی سوْنوْنیتسین، بوریس پلوْتنیکوْف، وئلادیمیئر گوْستیوخین و...
🌹🌹🌹🌹🌹🌹🌹🌹🌹🌹🌹؛

ایکینجی دونیا ساواشی چاغیندا ایکی نفر پارتیزان قاردا قالمیش قوروپداشلارینا یئمک اوچون بیر شئی تاپسینلار دئیه، بیر کنده یوْللانیرلار. بیر قوْیون (گوسفند) تاپیب قوروپلارینا ساری یوْللانیرلار. آنجاق یوْلدا آلمان عسگرلره توش گلیرلر. اوْنلار اسیر اوْلورلار. آلمانلی‌لار سوتنیکوْف ایله ریباک'ا اوْنلارین پوْلیس گوج‌لرینه قاتیلماق اؤنری‌سین وئریرلر. سوتنیکوْف بو اؤنرینی قبول ائتمه‌ییر آنجاق ریباک...

🎥🎥🎥📽📽📽

فیلم‌ین صحنه‌لرینده اوْلان شاختا ایزله‌ییجی‌نی لاپ ایچ قاتینا کیمی نفوذ ائده‌جک‌دیر. قارا باتمیش آغاجلار آلمان‌لی‌لارین الیندن قاچان بیر قوروپون گیزلنمک یئری اوْلور. ایکینجی دونیا ساواشی بیر چوْخ اینسانی اؤز ائو ائشگیندن دیدرگین سالیب اوْنلاری بیر سیرا ایش‌لر گؤرمه‌یه زوْروندا قوْیموش؛ قاچقینلیقدان، آدام اؤلدورمه‌یه کیمی توت، اؤزلری دیری قالسین دئیه باشقالارینی ساتمایا قدر.
لاریسا شئپیتکوْ، ائلیم کلیموْفون حیات یوْلداشی ایدی. بو ایکیسی ساواشین هانسی درجه‌ده اوْلان ویران ائدیجی ائتکی‌لریندن یاخشیجا خبرلری وار ایدی. بوندان داها اؤنملی‌سی سینئمانی، هم ده نئجه گؤزلجه‌سینه فیلم یؤنتمه‌یی باجاریردیرلار.
عروج، یا تورکجه دئسک یوکسه‌لیش ساواش قوْنوسونا حصر اوْلموش فیلم‌لرین سیراسیندا اوْ جومله‌ فیلم‌لردن ساییلیر کی ایزله‌ییجی بو فیلمی ایزله‌دیکدن سوْنرا سس‌سیز اوْلوب آغیر فیکیرلره دالماقدان باشقا بیر چاره‌سی قالماییر.

عروج میللیت سوچوندان دوْلایی یاشامی ایتیرمه‌نین ریوایتی دیر؛ ندن‌سیز اؤلمه‌نین ریوایتی. بیر آنانین ناغیلی دیر کی آنا اوْلا بیلمه‌ییر، هم ده یوْلون ایکی آیریمی آراسیندا قالمیش بیر دوْستون ناغیلی دیر. عروج هله سورمکده اوْلان کدرین ناغیلی، اینسانلارین چکه بیله‌جک‌لری چتینلیگین سوْن دوراغی دیر.
فیلم‌ین باغلانمیش کادرلاری هم ده موسیقی‌سی تای‌سیزدیر، ائله‌جه کی فیلمین سوْیوغونو دویماق اوْلور. فیلمین سوْن پیلانی ائله چکیلیب اوْ یئرده کی سانیلینیر قورتارمایاجاق، شئپیتکو چکیشینی وار گوجویله یوکله‌مه‌سی چوْخ گؤرمه‌لی دیر.

ح. م

@Turkcesinema
.
‫#‏سینئما‬ ‫#‏فیلم_تانیتیمی‬

  • حامید مورسلی

یوروملار (۰)

هئچ بیر یوروم ثبت اولماییب
ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
تجدید کد امنیتی