آنی‌لار دوشرگه‌سی

یؤنتمن، یازار و ائدیتور: 
Kim Ki-Duk
اویونچولار: 
Oh Yeong-Su, Kim Jong-Ho, Seo Jae-Gyeong 
فیلمین آنا دیلی: کره'جه'دیر؛ 106 دقیقه بویونجا.

تور(ژانر): Drama, Religion

@turkcesinema سینئما دوراغی

کره'لی "کیم کی-دوک" آدلی یؤنتمنین شاه اثری اولان بو فیلمی هر کس ایزله'مه'لی'دیر. 
"یاز، یای، گوز(پاییز)، قیش ... و یاز" بوداییسم'له موستقیم ایلگیده اولان بو فیلم بیر جاوان راهیبین یاشینین چئشیدلی دؤنه'لرینی تصویره چکیر. فیلم "اؤز تانیقلیق یا خودشناسی" و عرفان بیچیملرینده دوزلمیش. یازدا بیر آنا بالاجا یاشلی اوغلونو معبده گتیریر. بیر اوستاد وار، بیر ده بالاجا اوغلان. 

یاز اوشاقلیق، گولمک، چیچکلنمک سیمگه'سی'دیر. اوغلان اوشاقلیقدا بیر سیرا یانلیشلار یاپیر بو اوزدن اوستادینین وریندن تنبیه و دئمک تربیت اولور. یای مئوسیمی یئنی جاوانلیق دؤنه'سینی سیمگه'له'ییر. اوغلان چالیشیر و یئنه اؤیرنمکده'دیر. بیر گون بیر آنا قیزی ایلا معبده گلیر. بودایسم اینانجینا گؤره قادین شهوت و وسوسه سیمگه'سی'دیر. اوغلان وسوسه'له'نیر. قیزلا ایلگی'له'نیر. بو سوچونا گؤره چتین گون'لر یاشاییر. یایین سونوندا بودانین عابیده'سین گؤتوروب معبددن قاچیر. 15 ایل سونرا پاییزدا معبده دؤنور. پاییز و قیش مئوسیملری چتینلیک'لر دؤنه'سی'دیر. بو چتینلییی سیمگه'لمک اوچون فیلمده بوز باغلانمیش گؤل و اوغلانین اؤزونه داش باغلییاراق داغدان چچیخماسی سیمگه'سل اولاراق سئچیلمیش'دیر. اوغلان بوتون چتین آشامالاردان آشیر. اوستادی اینتیحار ائدیر.
و یئنه یاز گلیر، اوغلان اوستادین یئرینده اوتورور، معبدین قاپیلاری آچیلیر، یئنی یئتمه بیر باشقاسینا ائییتیم باشلانیر.
فیلم دولودور سیمگه'سل سیمووللارلا.بیرجه سؤزله دئسک فیلم تناسخ اینانجیلا یؤنتیلمیش‌دیر. معبدین اولدوغو یئر، اوستادین الینده'کی آغ پیشیک، معبدده'کی قیرمیزی بالیق، اوغلانین آپاردیغی بئچه(خروس)، قادین، قورباغالار، ایلان، اؤلوم و باشدا اولاراق اینسانین یاشامین ایلین مئوسیملریله اویغونلادیب بو سوره'جی اؤنه سورمک اؤزلویونده تام اولاراق سیمگه'سل بیر سئچه'نک ساییلیر. 

بئلنچی قالارغی و دوزگون اثری کیم کی دوکدان باشقا بیریسی بو گؤزللیکده بلکی سونا چاتدیرا بیلمزدی. کیم کی دوکون اثرلرینده دیالوق اولماز بو ایدعانی ائده بیله'ریک فیلملرینده دیالوقون هئچ بیر یئری و البته گره'یی یوخدور. فیلمین باغلاندیغی کادرلاری، اینسانلاردان اوزاق، دوغانین تام اورتاسیندا کئچیریلمه'سی ده فیلمین آنلامینی چاتدیرماقدا درین قاتقیسی اولموشدور.
آرتیرمالیدیر بو 2003 میلادی ایلینده سونی پیکچئرز شیرکتی'نین وریندن اوسکار یابانجی فیلم'لر سیرا آدای اولاراق دایانمیشدیر.
اومارام بو فیلمی و باشارساز "کیم کی-دوکون" بوتون فیلم'لرینی ایزله'یه"سینیز.
ح. م
@turkcesinema سینئما دوراغی