آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

دیل وارلیغین ائوی‌دیر دئمیشدی هایدگئر؛ بو اوزدن وارلیغیمیزی قوروماق اوچون دیلیمیزی قورومالیییق دئیه دوشونورم. بو دوشرگه‌ده اؤز آنادیلیم اولان تورکجه‌ده یازاجایام؛ گونده‌لیک آنیلاردان، ادبیات، حیکایه و آراشدیریجی یازیلاریما کیمی. چالیشیرام قونو سئچیمینده چوخ سینیر قویماییب، بوتون قونولاردان بیلدیگیم و یازماق ایسته‌دیگیم قده‌ر یازام. یازماق منیم دیریلیگیمین بَلیرگه‌سی‌دیر :)
سیز ده دیریلیگینیزی بیلمک ایسته‌ییرسینیزسه یازماغا باشلایین.
یادیمدان چیخمامیش: سلام، خوش گلیب‌سینیز :)

سون گؤندری‌لر
سون یوروملار

فیرانسانین اینجه ذؤوقلو فوتوقیرافچی‌سی بیر سیرا آدلیم رومانلاری اؤزل مئتودلا تانیتدیریب. یارادیجی فوتوقیرافچی کیتابلارین اوخونماسی اوچون اینسانلاری ماراقلاندیرسین دئیه بیر نئچه آنلاملی و سیمگه‌سل ایشله‌ولی فوتوشکیل‌لر چکیب، چکدیک‌لری ایسه توپلومسال شبکه‌لرده گئنیش آلاندا یاییملانماقدادیر. من ایسه اوچ کیتابی اؤرنک اولاراق سئچیب تورکجه آچیقلاما وئریب، خیدمتینیزه سونورام. اومارام بو گؤزل و ایلگینج ایش هرکسده ائتگیلی اولا.
----------------------------------؛
1984 
یازار: جورج اورول


اورولون بو قارا رومانی اینسانلارین بوتون گونده‌لیک چالیشمالاری، دوشونجه‌لری و باشقا بیر فیکیره ساری یؤنلمک‌لرینی پلیس اورقانلاری و دئمک بیر توتالیتئر حاکیمییتین وریندن کنترل اولونان دونیانی تصویره چکیر. داستانین قهرمانی وینستون اسمیت آدیندا بیر کیشی‌دیر. وینستون اونا زورلا ایملا اولموش دونیایا، اؤز بئینینده یارانان قوشقو و سورولارلا اوزله‌شیر. بو قوشقولانمالارین سونوجو اولاراق حاکیمییت وریندن توتوقلانیلیر. اؤلدورولمور آنجاق دوشونجه‌سی بیله سیلینیر. داها وینستون او وینستون دئییل، ایکی آرتی ایکی کیمی بللی سورویا اونلار دئییرلر بئش او ایسه بئشی وورغولاییر. بیر گون اینیزاعی بیر اؤلکه‌یله دوست اولورلار اونو آلقیشلامالی اولور ارته‌سی گون همین اؤلکه‌یله یئنه اینتیزاعی ساواشماقلارینا گؤره دوشمان اولورلار، بو اوزدن اونلارا قارشی سؤیوش وئریر. حاکیمیتین گوجو اوچ تمل شئی‌دیر: 1- تئلئسکیرین‌لر (اینسانلاری کنترل ائدن دوربین‌لر) 2-اولو رهبرین سؤزلرینی یایان تئلئویزییا، اونون یانی سیرا باهالیق، اوجوزلوق، یئنی یاساق‌لار، ساواش مئیدانی‌نین خبرلرینی یایان آراج 3- ساتقینلارلا بیرگه امنیتی قووه‌لر.
"بئتلی"نین بو فوتوشکیلینده کامئرایلا کیتاب، دوشونجه‌نین کنترل ائدن آراجلاری اولاراق بیر نوماد و سیمگه کیمی ایشلنمیشدیر. کامئرا دوز کیتابی کنترولو آلتینا آلیب‌دیر. اوخوجونون نه اوخودوغونا بیله دخالت ائدیری. شکیلده پولاتدان(فولاد) اولان دوورلار گؤره‌نین بئینینده بیر آددیم اؤنه سوروب بیر دوستاق (زیندان) فضاسینی ترسیم ائدیری.

-------------------------------؛
دونیالار ساواشی 
یازار: اچ. جی. وئلز

1938 میلادی ایل، اکتبر آیی‌نین اوتوزوندا اورسئن وئلز، سینئمانین تای‌سیز نابیغه‌سی، بو چوخ سس‌سالان رومانی بیر رادیو یایینی پروقیرامیندا، کئچیرتدی (برگزار کرد). سونوجدا میللت اوزایلی‌لارین (فضایی‌‌لرین) باسقینی‌نین الیندن قاچسینلار دئیه ائولرینی ترک ائدیرلر. بو کیتاب ایلک کیتاب ایدی اوندا اینسانلارلا اوزایلی جانلی‌لاری‌نین آراسیندا اولاسیلیغی یوخاری اولان ساواش حاقدا دانیشیردی. بو کیتابین ائتگیسینده ایکن باتی اؤلکه‌لرینده یاشایان کوتله هرآن اوزایلی‌لارین باسقینینی گؤزله‌ییردیلر.
"بتلی"‌نین فوتوشکیلینده وئلزین کیتابی اوزایلی‌لارین توپلاری توخونوب، او ایسه بونا چاشمیش دورومدا باخیر. کیتابین جهتی و توستونون قالخماسی بو آتیشین اوزایدان اولدوغونو ثبوتلاییر. 
---------------------------------؛
قیرمیزی کیتاب
یازار: مائو تئسه تانگ


یئنی چین لیدئری، مائو، 1968 میلادی ایلده «قیرمیزی کیتاب» آلدی کیتابینی یازیری. بو کیتاب کمونیستی چین‌ین دئمک اولار مانیفئستی ساییلیر. چین‌ین سونرا دوشن اولایلارینی بو کیتابین اوزوندن آراشدیریب تفسیر ائدن‌لرین سایی‌سی آز دئییل‌دیر.

"بئتلی" بو شکیلده اللرینی قیرمیزی بویالی، یا باشقا دئییشله قانلی گؤروب بونا چاشقین قالیر. بارماقلاری‌نین اوزه‌رینده‌کی قیرمیزی بویا، سیمگه‌سل بیر ایشله‌و داشیییر. بو قیرمیزی بویا اؤنجه سول پارتیزانلاری‌نین سیمگه‌سی اولان قیرمیزی بایراغی وورغولاییر، اؤته یاندان قیرمیزلیق بیر ته‌هر قانی سیمگه‌له‌ییر. دامان قان ایسه بو کیتابدان ائتگیله‌نه‌رک مینلرجه اینسانین اؤلوم فرمانی‌نین صادیر اولماسینی اؤنه چکیری. اؤرنه‌یین 1968-نجی میلادی ایل چین‌ین تیان‌آن‌من مئیدانیندا اوز وئرن سوی‌قیریم چینی کؤتو بیچیمده دونیایا تانیتدیرمیشدی.
------------------------------؛

یازیدان سونرا: 
تلگرامدا بیزی دوستلارینیزا تانیتدیرین لوطفن. سسیمیز اولون.🌸
تانیتیملار تورکجه اولاجاق. آنجاق کیتابلار هر هانسی دیلده اولا بیلرلر.
@kitabliq 
https://telegram.me/kitabliq

 

پایلاشیلمالی یازیلارینیزی بو آی دی'یه گؤندره بیلرسینیز: 👈👈 @maraghali

  • حامید مورسلی

یوروملار (۱)

  • حسین واحدی
  • سلاملار ده‌یرلی حامید بَی. سنه اوغورلار آرزولاییرام.
    ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
    شما میتوانید از این تگهای html استفاده کنید:
    <b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
    تجدید کد امنیتی