آنی‌لار دوشرگه‌سی

 بوگون بیر فیلمه باخدیم. بلکی بو گونلر ایزلنسه داها چوخ ائتکیسی اولار. 

اورتادوغونون بو دارماداغین دوروملاری، آشیری شریعتچیلیک، یوخسوللوق، داعش، ساواش، اؤلوم، دیدرگینلیک. باشقاسی سنه زور دئمه سی، سنه ویلایتی اولدوغونو ساندیغی، آللاهین یئگانه جانشینی اولدوغونو ساندیغی و بو کیمی آجی قونولار ایزله ییچینین بئینینده یئنیدن جانلانیرلار. فیلمین یؤنتمنی سیساکو دا بونلارا توخونماق ایسته ییر.

فیلم بیر کیشی'نین اؤزو ایسته مه دن بیریسینی اؤلدوردویو و سونوندا خانیمیلا بیرگه تیراژیک اؤلومونون ریوایتی دیر. فیلمده گؤزل کادرلار، گؤزو سئحر ائدیجی صحنه لر دولودور. فیلم چوخ دا ایرادسیز فیلم دئییل منجه. فیلم ایدولوژیک قونولارا الیشدیرل(انتقادی) یاناشماق ایسته دیگیندن دولایی اؤزونون ده ایفراط و تفریط باتلاغیندا باتماغی قاچیلماز اولور. فیلمده اولان شخصیتلره چوخ آز پرداخت اولوب، چوخ یئرده یئرلی سواللار جاوابسیز قالیر. فیلمده یؤنتمن اوشاقلار، قادینلار، حئیواناتا بئلنچی چاغلاردا نئجه یاناشیلمانی گؤزل آراشدیریب سینمانین پرده سینه یانسیدیر.

ایلگی قورما آراجلاری اؤزللیکله جئب تئلفونون اؤنمی گؤزه چارپیر. عدالت ملک لری اولان جهادچیلار اؤزلری خفادا هر ایش گؤروب اؤز چیرکین عمللرینی اؤرت باسدیر ائدیرلر. آنجاق عادی میللتین یئنه قانلارین شوشه یه توتورلار. ظولم چوخ اولان یئرده اینسانلار بیر بیریسیندن آریلمالارینی گؤزل گؤسترمک اوچون فیلمده نئچه دیلله اوز به اوز اولوروق. چئشیدلی سس'لر وار. جهادچیلار چوخراق عرب دیلینی دوغرو دانیشا بیلمه دیکلری اوچون بیر بیریلریله اینگیلیزجه دانیشیرلار. فیلمده بیر قیزا ائلچیلیکده بیر سؤز ایکی دفعه چئوریلیر(ترجمه اولور). 

فیلم چوخ دا اوغورلو فیلم اولماسا آنجاق بصری باخیمدان چوخ یوخاری و گؤزل کادرلاردان دولو بیر فیلم دیر. فیلم مالی اؤلکه سینین تیمبوکتو شهرینه حصر اولونور. یؤنتمن طبیعت ایله اینسانی مقایسه ائتمک فیکرینده دیر. جهاد و بوکیمی قونولارا دا تنقیدی یاناشیر. فیلمین ایلکی و سونوندا بیر جئیرانین قاچماسین گؤستریر. سونوندا قاچان او ماتورچویلا او جئیرانی بیر بیریسینه ایلگیلندیرمک ایسته ییر. و...

منجه ایزله مه سینه ده'یر.

ح. م