آنام
آنام / آنام / آنام / آنام
بؤیودوکدن سونرا بیلدیک داوا مئیوه سویو دئییلمیش!
بؤیودوکدن سونرا آنامیز بیزه دئدیگی کیمی بیلدیک بؤیوک آتا داها قاییتمایاجاق!
بؤیودوکدن سونرا بیلدیک قارانلیقدان دا قورخونج شئی‌لر ده واریمیش!
بؤیودوک او یئکه‌لی‌یه کی، آنلادیق آنامیزین هر بیر گولوشونون آرخاسیندا مین‌لرجه حوزون واریدی و آتامیزین هر بیر گوجونون آرخاسیندا بیر خسته‌لیک گیزلنمیشدی !
بؤیودوک و آنلادیق داها چاتیشمایان سورونلاریمیز بیر شکلات، بیر پالتار و یا بیر جانتا ایله چؤزوله سی دئییل و بوکی داها آتا آنالاریمیز أللریمیزدن دوتوب یولدان کئچیتمه‌یه‌جک‌لر ، و یا یاشاییشین أیری -بوروقلاریندان دا بیله کئچیردن اولمایاجاق.
بؤیودوک و بیلدیک تکی بیز دئییلیک کی بؤیوموشوک، آتا آنالاریمیزدا بیزیمله بیرگه بؤیویوب یاشلانیب‌لار و داها بیرزاد قالماییب آرامیزدان گئده‌لر؛ بلکی ده ایندی گئدیب‌لر!
خئیله‌ک بؤیودوک!
و آنلادیق آنامیزین بیزی اینجیتمه‌لری سئوگیسینده‌نیمیش، حیرصلنمه‌لری سئوگی ایمیش کؤته‌یی ده بیله سئوگی ایمیش!
ایلگینج دونیادیر؛ اوندان ایلگینج نمنه اولا بیلر؟ نه آزدیر عؤمروموز!
عؤذور دیله‌ییرم - فیثاغورس
منیم آنام أن چتین دنکله‌میم دیر(معادیله)
عؤذور دیله‌ییرم – نیوتن
یئر چکیمینین گیزی (سری) منیم آنام دیر!
عؤذور دیله‌ییرم – ائدیسون
نیه کی آنام منیم یاشامیمین ایلک چیراغی دیر
عؤذور دیله‌ییرم – افلاطون
نیه کی آنام منیم اوره‌ییمین اوتوپیاسی دیر
عؤذور دیله‌ییرم – رومئو
نیه کی بوتون یوللار منیم آنامین سئوگیسینه سونوجلانیر
عؤذور دیله‌ییرم ژولیئت
نیه کی منیم سئوگیلیم آنام دیر
هامیدان عؤذور دیله ییرم؛
نیه کی نه‌قَدَر ده سئوسَم سیزی، هئچ واخت سیزلری آنامی سئودیییم کیمی سئوه بیلمه‌یه‌جه‌یه‌م ، او قادینین وارلیغی هئچ واخت تکرارلانمایاجاق.
----------------------------------------------------------
(بیر فارسجا متن دن تورکجه‌میزه چئویردیییم بو یازینی گؤزل و سئویملی آناما سونورام ♥)
آ .ی: یازارین تانیمیرام نه یازیق
14 خرداد 1393
