کوبودلاشماق

نئچه ایل اؤنجه جیب تئلفونون خیردا خیردا توپلومون بوتون قاتلارینا گیریدیگینده، اونونلا بیرگه بولوتوث دا یامان مد اولموشدو، هر کیمی گؤروردون دئییردی بولوتوثونو آچ یئنی بیر گؤرونتوم وار یا یئنی بیر سس وساییره.
یادیمدا خالامین اوغلو یبر چوخ دم تراغینان منه بیر ویدیونو گؤندرمک ایسته‌ییردی، دئییردی چوخ قورخمالیدی ها، اوره‌یین زادی ضعیف اولسا یا قاندان قورخسان باخماسان صلاحدی؛ اوره‌گین زادین پیس اولسا مندن دئییل!
آنجاق بو دئدیگی سؤزلری منی لاب یانقین ائدیب دئدیم تئز اول گؤندر گلسین؛ اوشاق دئییلم کی قورخام . یادیمدا اوردا ابوعلی‌سینیا نیسبت وئرن سؤزو کی دئییر "هر یازی بیردفعه اوخوماغینا دیه‌ر"-ی تحریف ائدیب " ناصیر جان هر ویدیو بیر دفعه باخماغینا دیه‌ر" دئدیم.
آنجاق ویدیونو بولوتوث ایله آلیب؛ تئز ایزله‌مه‌یینه باشلادیم؛ گؤرونتوده 2دیقه 30 ثانیه‌لیک ویدیو واریدی، بیر حالداکی نئچه نفر الی سیلاحلی، اوزلَری اؤرتولو، دایانمیشدیرلار؛ عربیستانین بایراغی‌ایسه داللارینداکی دووارا ویریلمیشدیر؛ اورتالیقدا بیر گنج یاشلی اوُز-گؤزو آچیق، اللری دالیسیندان باغلی، آیاقلارینین اؤنونده دیزله‌رین یئره ویریب دایانمیشدی!
بیرآن سؤزو گئدن الی سیلاحلیلاردان بیریسی بیر نئچه‌ عربجه سؤزو دئدیگیندن سونرا الینده‌کی پیچاق ایله او اوغلانین باشین کسمه‌یه باشلادی؛ اولدوقلاری اوتاقین کفی آغ کاشیدی بو اوزدن هر یئری آل قان آلدی آغزینا ، صحنه‌ده اولان باشقا الی سیلاحلیلار او آدامین باشی کسیله کسیله سیلاحلارینی قالدیراراق اوجا سس ایله "الله اکبر" دئمه‌یه باشلامیشدیرلار! 
بیر آن گؤزلریم قره‌لدی،سانکی آیاقلاریم یئردن اوزولدو، باشیم فیرلانماغا باشلادی، اوره‌ییم ائله بولاندی مصموم اولموشلار کیمی قوسماغیم گلیردی. نئچه گون اوندان سونرادا هر گؤزومو یومدوغومدا او صحنه‌ گؤزومون اؤنونه گلیردی یئنه اوره‌ییم بولانماغا باشلاییردی.
آنجاق او اولایدان چوخ آز ایلین سوروشدوغونا باخمیاراق، بؤلگه‌ده گئدن ساواشلار، قانسیزجاسینا باش کسیب تکبیر دئیه‌ن چئردکلرین چوخالدیقلاری، و او جینایتلرین ریسانه‌لرده گئنیش شکیلده یاییلماسی دئمک اولارداها او روحی لطافتیمی آرادان آپاریب؛ بیر چوخونون داها اوره‌یی بولانمیر، حالی خاراب اولانلارین سایی آزالیب ؛ قان تؤکمکله باش کسمه داها چوخالیب ! گونده باش کسمه‌لر، قان تؤکملرین فئیس بوک، یوتیوب یا باشقا آراجلاردان گؤروروک، بلکه دوداغیمیزین آلتی بیر یامان دئییب ظالیملری ، قان تؤکه‌ن‌لری قارقیش ائتدیگیمیزدن سونرا چوخ راحاتجاسینا !!! اوستوندن کئچیریک.

گؤره‌سن دوغرودان بو تووونان هایانا دوغرو گئدریک ؟؟؟

29.05.93

بیزیم میللت

گلین قبول ائده‌ک کی مرثیه اوخویان بیر میللتیک یا بلکه‌ده اولموشوق! 
گنج قیزلارین آغ آت رویالارینا تای بیزلرده گؤزوموزو تیکمیشیک چیخیش یولاریمیزین قاپیلارینا، بیر قورتاریجی گلیسین بیزی بو دوروملاردان قورتارسین دئیه؛ چاباسیز، چالیشماقسیز. بیر یئرده قالان سو کیمی اؤز ایچیمزدن قوخوماغا باشلاییریق. 
نیه دئییرم چیخیش یوللاریمیزین قاپیلاری، اونون اوچون کی چیخیش یوللاریمیزین لاب آچیق آیدین فرقینده‌ییک. بو اوزدن هئیت کیمی‌ دوشونورلریمیزی چوخ سئویریک؛ اونلارا بیزی قورتاران منجی کیمی باخیریق! کیتابلارین آلیریق آنجاق قاتلاری آچیلمامیش قالیر، ائله‌بیل ساتیش اوچون آلمیشیق، کیتاب قفسه‌لریمیزده توز یئییرلر. بو دوروم نه‌قدر اؤزوموزو اوتوزموش ساندیغیمیزدا بیر اوقدر ده داها آرتیق گؤزه چارپیر،گئت گئده اؤزوموزده بئلنچی دوروملارا قاتلاشمیش کیمی داورانیریق نه یازیق.

کئشکه بئله اولماسایدی و هر کیمیمیز اؤزونه هئیت کیمی بیریسی اولا بیلمه‌سه‌یدی‌ده بیله بو یولون دوغرو یولچوسو اولماسینا اولدوغو و یئته‌نه‌ییجه چابا گؤسترسه‌یدی . . .

ی. س: نئچه ایل اؤنجه دوستلارین بیرینه تئهراندان نئچه سای "وارلیق" درگیسی گؤندریلمیشدیر؛ درگیلری ساتسین، پاراسین اونلارا گؤندرسین دئیه. آنجاق درگیلر دوستوموزون الینده قالمیشدیرلار، سادجه ایکیسین ساتا بیلمیشدیر؛ بو یولداشیم ایسه قورخوردو رحمتلی دؤکتور هئیت (ایندی زنگ آچماسین)، زنگ آچیب، درگیلره گؤره سوروشسون، بودا اوستادین أمه‌یینین قارشیسیندا اوتاندیغیندان بیلمه‌سین نه جاوابی وئرسین.

بیتیک‌لر

اوزون بیر باش آغریسی وئرمه‌ک  اوخوساز میننت قویارسیز

-------------------------------

ایکی ایل اؤنجه فئیس بوکدا اوخودوغونوز اون ائتکیله‌ییجی بیتیکلرینیزین آدلارینی بیزیمله پایلاشین اویونو باشلانمیشدیر؛ آنجاق او ایله بیر شوکور ائتمه‌لی یئر بو ایدی کی هر منه تای بیتیکله ایلگیده اولمایان بیریسی اؤزونه ایزین وئرمه‌ییردی بئلنچی اویونا قاتیلیب ده‌یرلی اویونون معنوی ده‌یرین یئندیرسین آشاغایا. بو اوزدن ده‌یرلی بیتیکلر، ده‌یرلی اینسانلاردان تانیملانیردی. آنجاق تاسوفلرله بو ایل بوزلوسو اویونوندان سونرا بو اویون بیر داها گوندمه گلدی بیر بؤیوک فرق ایله :

بو ایل هر یئریندن دویان؛ پایلاشدیغی بیتیکلری اوخومامیش اولاراق بیله دونیانین أن چوخ تانینمیش، ساتیلمیش، دفعه‌لرجه باسیلمیش بیتیکلرین آدلارینی سیرالاییب دوستلاریلا پایلاشماقلا منی بوحاقدا نئچه قونویا گؤره دوشوندوردو:

بیر: بیزیم توپلومدا بیتیک اوخویاندان چوخ بیتیک اوخویانلاری یامسیلایان داها چوخوموش؛ یالان دئییل کی باشا اوخوماق دیقه‌سی ایراندا نئچه دیقه‌دن آرتیق اولماییر! هله قالسین کی بو نئچه دیقه هانکی ساحه‌ده و هانکی قونودا اوخونولور.

ایکی: پایلاشانلارین بیر چوخو اؤزلرینی داها گؤزدن سالدیرلار؛ نیه کی هر بیر دوزگون بیتیک اوخویانین بوینونا بیر سیرا دئیین‌لر گلیر. بئلنچی دورومدا او آدامدان بیر سیرا چاتیشمامازلیقلار گؤزله‌نیلمز، آنجاق نه یازیق کی بو اویون او آتابابا سؤزونو بیرداها جانلاندیردی: آچیلمامیش سیرفانین بیرعئییبی واردیرسا آچیلمیش سیرفانین مین عئیبی اولار!

اووچ: هر بیر ده‌یرلی بیتیگی اوخویان کیمسه‌دن بئله گؤزله‌نیلیر باخیش آچیلاری ، گؤروشلری؛ یازار اولسا یازیلاری ، کوتله ‌ایله داها فرقلی اولا .بئله کی ائشیکدن باخان اونون اوخودوغو بیتیکلرین سوموتلوغون (عئینیتین) دریندن دویا بیله؛ آنجاق نه یازیق کی پایلاشیلانلارین بیر چوخوندا بو فاکت آز گؤزه چارپیردی.

دؤرد: بیزیم بوتون یازارلا و کولتور آلانیندا چالیشانلاریمیزا چوخ بؤیوک بیر دویورو اولدو؛ نیه کی هئچ بارماق سایی‌سی‌جادا اونلاری اوخویوب ائتکیله‌نن یوخویموش سانکی.گره‌کلی‌دیر چالیشمالاری یارارلی اولسون دئیه گله‌جک یازدیقلاری، حاضیرلادیقلاری، کؤچوردوکلری بیتیکلرده بو سلیقه‌لری اؤنمسه‌ییب اونلارا اویغون چالیشسینلار.

بئش: بیتیک باسدیرانلار؛ دوزنله‌یه‌نلر، یایین ائولری و بوننلارا تای یئرلرین سوروملو یؤنه‌لدنلرینه چوخ یاخشی فورصت اولدو ایقتیصادی دوشونجه‌لرینه‌ دوزه‌ن وئریب، توپلومدا چوخ به‌یه‌نیلن و ساتیشی یاخشی اولان بیتیکلری یاخشی تانیسینلار و او سلیقه‌لر اوزره چالیشسینلار.

آلتی: بیزیم اؤلکه‌ده باسدیریلمیش بیتیکلرین بیر چوخو شئعیر و ادبیات ساحه‌سینده اولدوغو چوخراق گؤزه چارپیر و دئمه‌ک دوغرونو یانسیدیر؛ بو دورومدا یئنی آلانلار، یئنی قونولار تخصصوصلشمیش اولاراق یازیلار و بیتیکلرین یئری برک برک گؤرونور.

یئتدی: اؤز دیلیمیزده گوجلو و ده‌یرلی بیتیکلرین آز اولدوغونا باخمیاراق دوستلارین بیر چوخو اؤز تورکجه‌میزده یا آنادولو تورکجه‌سینده اوخومادیقلاری بیتیکلرین چوخ یئری گؤرونوردو؛ منجه ایلک اؤنجه اؤزونو توپلومدا بیر کولتوره‌ل حرکته باغلی تانیملایان کیمسه‌یه گره‌کلی دیر أن آزی چالیشا اؤز دیلینی منیمسه‌ییب اییه‌سیز قالمیش دیلینه اییه دورا یوخسا کیمسه بو ایشه بیزیم وریمیزدن گؤرمه‌یه‌جه‌یینه امینم.

و ...

************************************************

اومارام یوخاریدا بیر سیرا سؤزلری یازدیغیمدان اینجیمه‌ییب بئله دوشونمزسینیزکی طرف اؤزونو چوخ آیدین و بیتیک اوخویان بیلیر؛ یوخ عکسینه من اؤزوم ایچیمدن چوخ بیتیک اوخوماغا ماراقلی اولسامدا نه یازیق کی چوخ اوخویاسی دئییلم و اؤزومو چوخ فرقلی گؤسترمه‌یه چالیشماییرام؛ بو اوزدن بیر سیرا بیتیکلر کی اوخوموشام و بلکه بیر نئچه‌سین بوتون اولاراق بیتیرمه‌میشم سیزیله پایلاشیرام: بو حاقدا چوخ گئنیش اولاراق یازماق ایسته‌ییرم.

 من بیر کند اوشاغی اولاراق نه یازیق کی بیزیم عاییله‌‌ده بیتیگین اؤزه‌ل یئری اولماییب بوگونه کیمی. ایلک بیتیگی دوم ایبتیدایی اؤیرتمه‌نیمیز یاخشی درس اوخویان اولدوغوم ندنیله جایزه وئرمیشدی :کیتابین آدی دخترک کبریت فروش ایدی. یادیمدا ایبتیدایی مدرسه ده "دهه فجر" تؤرنلرینه گؤره آتامین بیر ایقیلابی قوتلایان سرود بیتیگی واریدی کی اونون یاریسی تورکجه‌ایدی؛ "قوجاغینی آچ وطنیم: قهرمان بالان گلیر" شئعرینی حیفظ ایدیم. شهریارین حئیدر بابایا سالامی‌نین دا اؤزه‌ل یئری واریدی.

سؤزو اوزاتمایالیم: بیر جای درس کیتابلاریندان ساوایی چوخ ریساله و احکام کیتابلارین اوخویاردیم. بولوغ دؤنه‌سینده مسائل زناشویی کیمی کیتابلاری گؤیده ویراردیم! گیزلیجه اوخوماقلارینین آیری دادی ، آیری لذذتی واریدی. جوانان چرانی دا همین دؤورده اوخودوم بیلمه‌گیم زادلاریدا اوندان اؤیرندیم.

بیلیم یوردوندا تورپاق تانیتیمیندا اؤیرنجی اولاراق گوجلو تخصصوصی بیتیک کی اوخودوم: مبانی خاکشناسی ؛ شهلا محمودی –مسعود حکیمیانین ییغما (تالیفی) بیتیکلری ایدی .

ایلکلرده علی شریعتی دن و روانشناسی کیتابلارین چوخ اوخویاردیم؛فاطمه قاطمه است، آری پدر و مادر ما متهمیم ، لطفا گوسفند نباشید؛ 24 قانون بدست آوردن قدرت؛ چگونه ثرتمند شویم ،فکربرتر ایده برتر و بونلارا تای بیتیکلر ایدی.

بالا بالا میللی مسئله‌لرله تانیش اولدوغومدا سایین حسن راشیدی‌نین بحران هویت کیتابچاسی درین ائتکیلر بیراخمیشدی منده. همین یازاردان ترکان آدلی کیتاب دا گؤزه‌ل و یارارلی ایدی. تبریزلی علی‌نین دیل و ادبیات بیتیگی‌سی منده بیر دئوریم یاراتدی.

تاریخ دیرین ترکان ایران ؛تاریخ مختصر ترک؛ قام شامان؛ 12 شهریور؛ فرقه دموکرات آذربایجان از تخلیه تبریز تا مرگ پیشه‌وری دیرلی لردنیدی لر منیم اوچون.

صمد عمی‌نین کیتابلارین اوخودوغومدا لذت آلاردیم.

او زامان اوخودوغوم رومانلاردان لاب ائتکیله‌ ییجی‌سی هیتلرین " نبرد من " رومانیدی.

خیدمتده اولاندا کیتابدان چوخ درگی‌لرله ایلگیلنمیشدیم: وارلیغین کؤهنه سایلارین، دیلمانجین کؤهنه سایلارین،بایرام درگیسین و آفتاب آذربایجان و آغری دریگی‌سی‌نین چوخ سایلارین اوخویاردیم.

سهندین اثرلری اوخومادیغیم دده‌قورقودو اوخودوردو؛ صابیرین هوپ هوپ نامه‌سی و هوشنگ جعفری نین آغ آتیمی دا بو لیسته‌ده یئر آلا بیلرلر.

اوستاد باریشماز دئمه‌ک اولار چوخ سئودیگیم آدلاردان ساییلار، نیه کی تبت یداسینین هله ده دادی داماغیمدادی، دووارلار، دارتیلمامیش دنلر، اودوملو دیره‌ک؛ گولنده هرزامان و نغمه ‌داغی باشقا اوخودوغوم گؤزه‌ل اثرلریندن ساییلیر.

بو آرادا فارسجا رومانلارداندا اوخویاردیم: 1984 و حئیوانلار قالاسی جورج اورول دان هاریکایدیلار؛ جک لندنین سپید دندانین دا چوخ سئوردیم. بزرگ علوی نین " گؤزلری "یا " چشم هایش" رومانین چوخ سئودیم.

تاریخسازانین سری کیتابلاریندان مائو ، گاندی و هیتلره گؤره حاضیرلانمیش کیتابلاریدا اوخویا بیلدیم.

گون وار عصره بدل: اشک سبلان ؛ دنیای سوفی؛ زندگی به روایت بودا؛ تفتیش عقاید و ... کیمی کیتابلاری اونوتمارام.

بیر جای ایسته‌ییردیم ارشد علوم سیاسی اوخویام بو اوزدن اوخودوغوم اصول سیاست خارجی و سیاست بین الملل- عبدلعلی قوام و جامعه شناسی سیاسی حسین بشیریه چوخ گؤزه‌ل ایدیرلر. سونرالار توپلوم بیلیملرینه ماراقلاندیم گیدئنزین سوسیالوژی سی و لوییس کوزئرین زندگی و اندیشه بزرگان جامعه شنا‌سی سی دیرلی ایدی منه.

از دیکتاتوری تا دموکراسی – جین شارپ؛ مرزها و برادری- براندا شیفر یارارلی بیتیک‌لر ایدیرلر.

سون اوخودوغوم ده‌یرلی و گوجلو تورکجه کیتابلاردان بیریسی ده سایین رحمانی‌فرین شهریارلا بیرلیکده اؤزگه‌له‌شمه‌دن اؤزلشمه‌یه دوغرو ایدی.

نه یازیق فئیس بوک و بئلنچی اورتاملار یایغین اولدوغوندان بری اینتیظار لیستیم چوخدان دولوب آنجاق اوخوماق سورعتیم قات قات یئنیب! هله ده‌کی وار بیر چوخ ده‌یرلی بیتیکلرین اوخویا بیله‌جه‌ییمین اؤزلمینده‌یم.

------------------------------------------------------

سونوندا آرغین چاغداش و بهنام تورکان‌پور جنابلاریندان تشککور ائدیرم کی منه ‌ده ده‌یَر وئریب چاغیردیلار. 

kend

اوشاغیدیم؛ کندیمیزده ایکی نفرین یئرلرینین مرسی(مرزی) اوُسته سؤزلری چیخمیشدی ، بیری دئییردی او آغ داشدان بویانا منیم دی اوبیریسی دئییردی یوخ او نوواخدان بویانا سنین دی . بو آرادا سؤزو گئدن یئرین دوزگون قورقوشوملو سندی ده یوخودو بللی اولا کیم دوز دئییر کیم‌سه او بیری‌نینی حاققینی پوزوب اونون یئرینه و امه‌یینه یییه دورماق ایسته‌ییردی !
بونلارین خیرخاخیرلاری گئت گئده چوخالیردی ، هئچ بیری ده شئیطانین آتیندان یئره توشموردولر؛ نه آغ ساققال ساییردیلر نه قارا ساققال. آنجاق بیر گون بیر آغ ساققال گیردی آرالارینا بیر حیرص پورسونان سون سیلاحی آرایا قویدو: " آللاه هر ایکیزین ده شئیطانیزا قووات وئرسین ؛ سیزین بو بوغاز دؤومه‌نیزه سادجه قورآن سون قویا بیلر" دئدی.
هاندان گئجدن او کی، ایکی آیاغین سوخموشدو بیر باشماغا و کسینلیکله دئییردی بو یئر منیم دی دستاماز آلیب قورآنا ال قویوب آند ایچدی ! و قارشی طرفی ده داها موجادیله سون قویوب "تاپیشیریرام او قورآنین یییه‌سینه" دئییب دا ایسته‌گیندن واز گئچدی.
او گونلرده ایدی کی مدرسه‌ده اوردا بوردا ائشیدیردیم نئچه ایلدی ایسراییل-له فیلیسطینین آرالاریندا تورپاق ساواشی وار و بو ساواش ایلردی بیر طرف‌ده اولان چئشیتلی سیلاحلاریلان اوبیری طرف‌ده ایسه اللرینه داش آلاراق موباریزه‌یه داوام وئریردیرلر. کندیمیزده اوُز وئره‌ن بیر آند ایچمه‌نین گوجونه دایاناراق بئینیمدن کئچیردی اونلاردا بئلنچی بیر آند ایچسینلر دا !!! دئییردیم بلکه اوردا دا بیر آغ ساققال تاپیلا و بو نئچه ایللیک ساواشا سون قویا ! 
دوغروسو اوندا اؤز نظریمده دئییردیم بس حق ایسراییل طرفیینده دی؛ نیه کی پارا وئریب تورپاق آلیب و بو تام نورمال دیر، حققی ده وار او تورپاقلارا یییه دورا و فیلیسطینلیلر گرک بو آجی گرچه‌گی قبول ائده‌لر !
سونرالار اؤزومودن فیلیسطینلی‌لره گؤره ائله دوشوندوغومه گؤره اوتاناردیم ، ایسرائیلین نئجه دوزه‌لمه‌سی ، هانسی گوجلرله اورا گئدیب چاتماسی، فلیسطین باشچیلارینین ساتقین اولمالاری و بیر چوخ مسئله منه آیدین اولدوقجا بو اوتانج داها درینله‌شیردی. چوخ زامان اخباردا زاتدا اونلارین ساواشلارین گؤرنده اؤز میللتیمیزی اونلارین یئرینه اولمالارین تصوور ائلردیم ، کی کاش هئش واقت ائتمه‌زیدیم.
میللی مسئله لریمیز ایله تانیش اولدوغومدا قاراباغ، ائرمنیستان،کرکوک ، کیریمه و ... فیلیسطینلیلرین دورومو من‌ده داها دویولوردو. 
بوگونلر تورکیه‌ و ایران حاکیمیت‌لرینین داورانیشلاری، عراقدا گئدن سون اولایلار، ائشیکدن گلن اللر، آمریکا و بوتون امپرالیست رین اللری ، کوردلرین ترپه‌نیشلری، باتی آذربایجان دا سون دوروملار و ... بو قورخونو و یئنی بیر ایسرائییل و یئنی بیر فیلیسطینین یارانماسی گؤزومون اؤنتونده جانلانیب بیر چیرکن تابلو یارالدیر !

هردن دئییرم اولمایایدی بئله کاش ، یا اورتا دوغودا دوغولماسایدیم ، یا بیزده او بیرینجی دونیا دئولتلرینین بیرنده دوغولسایدیق و... لری دوشونورم سونرا بو فیکیر ذهنیمه گلیر : کاش باریشین یولون تاپیب ،بوتون سینیرلاری قالدیریب ، یئنی بیر دونیانین دوزنلرین تؤکه‌بیلسه‌یدیک؛ نه اولاردی !

31 تیر 93

قدس گونو

قدس گونو باشقا آچیدان

دونن نئچه آی گؤروشه‌بیلمه‌دیغیم بیردوستوملا بیرگه چیخدیق شهرین ایچینده بیر فیرلاناق ؛دانیشا دانیشا ، یئرده ، یولوموزو سالدیق صوفو چایینین قیراغینا ساری. آنجاق چوخ آجی و دئمک اولار چیرکین بیر صحنه‌یه شاهید اولدوق.
یولو بیر نئچه گؤرونتو و بنر قدس گونو موناسیبتینه گؤره گؤردوک؛ بیزیم قاباغیمیزجا بیر کؤرپه اوشاق ، 4-5 یاشی آنجاق اولاردی، آناسی ایله بیرگه گئدیردیرلر . شهردارینین یاپیشیغیندا بیر بسیج پایگاهی وار؛ او پایگاهین اؤنونده داربست گوجونه اووچدنه دار آغاجی حاضیرلاتمیشدیرلار و ایسراییل ، آمریکا و اینگیلیسین موغاپبالارین دارا چکمیشدیرلر!. صحنه‌نی تاساریلایان چوخ چکیجی تاساریامیشدی، قانلی اللر شکیلین موغاپپالارین اوستونه سالمیشدی ،او اؤلکه‌لرین چیریق پیریق بایراقلارینی‌دا او موغاپبالارین داللارینا آسمیشدیر. بوتؤولیکده دئمک اولار چوخ قورخوج بیر تابلو یاراتمیشدیر.
آنجاق همین سؤزو گئدن آنا ایلن اوشاقدا او صحنه‌نین اؤنوندن کئچیردیرلر بو اوزدن او اوشاغا صحنه‌نی گؤرمک قاچیریلمازیدی.
منیم گؤزوم اوشاقدایدی؛ اوشاق سانکی دؤرد گؤزلو اولموشدو ، بیلمیرم نه‌یه فیکیرله‌شیردی، بیر الی آناسینین الینده ایدی آنجاق گؤزلرین دیره‌میشدی او چیرکین صحنیه ؛ اوردا اوزاقلاشدیقلارینا رغمن گئنه اوشاغین بوینو او صحنیه ساری أیریلمیشدیر. بیلمیرم او موغاپبالارا فیکیرله‌شیردی ،دار آغاجینا فیکیله‌شیردی، آسیلماغا فیکیرله‌شیردی یا باشقا زادلار، اوشاغین کیچیک و هر نه‌یی تئز گؤتورن بئینیندن کئچیردی ! 
ایندی کوچه‌ده همین اوشاغین یاشیتلارین گؤردوم دونن قدس گونونده ائشیتدیکلری شوعارلاردان ائتکیله‌نه‌رک، باشلامیشدیلار " مرگ بر آمریکا " دئییردیرلر . 
ناپلئون بوناپارتین بو مضموندا بیر سؤزو وار دئییر : بیر شکیل تابلوسو، نئچه‌دنه کیتابدان، دوزگون و گؤزل شکیلده دئمک ایسته‌دیگی سؤزو چاتدیرماق گوجونه مالیک دیر !
ایندی سیز حئساب ائدین دونن او شیددتله گؤردوغو جانلی تابلونون او اوشاغین ناخودآگاهیندا هانسی ائتکیلر بیراخا بیلمه‌ک گوجونه مالیک دیر.

----------------------------------------------------

ی. س 1 : قوشقوسوز ، آمریکا ، ایسراییل و بوتون اؤز حققینه قانع اولمایان اؤلکه‌لر محکومدولار 
ی. س 2: داورانیشلاریمیز و ایشلریمیزین چوخ پیس و هر طرفلی ائتکیلرینه‌ده فیکیر وئرسه‌یدیک پیس اولمازدی !

سایقی‌سیزلیقلارا داییر

"تورکلر سیزه توخونمادان سیز اونلارا توخونمایین نیه کی منیم اوممتیمین قوروجوسو اونلار اولاجاقلار" پئیغمبر افندیمیز.

دوستلاریمین بیری واریدی، همئشه دئیه‌ردی بیز تورک‌لر تاریخ بویو هئچ کیمسه‌یه هجوم آپارمامیشیق؛ تورپاقلارینا یا ناموسلارینا اؤز میللی کولتوروموزدن آسیلی اولاراق سایقیسیزجاسینا یاناشمامیشیق، اونلارین وارلیقلارینا ال دولاماق ایسته‌مه‌میشیک، آنجاق زامانی گلیب اونلار (بیزلره قارشی اولانلار) بیزه یورویوش یاپیب بیزی محو ائتمه‌گه چالیشیبلار . بئلنچی دوروملاردا بیزیم میللت یئنه بیر-بیریله بیرلیک ائدیب دوشمنی یئرینده اوتوردوبلار. بیز تورکلر بیزه توخونمایان کیمسه‌لریله ایشیمیز اولماییب اولماز آنجاق بیزه ساتاشانلارین لاییق اولدوقلاری قده‌ر جاوابلارین وئرمیشیک. 
سانال اورتاملاردا تورکلره قارشی اولانلار بیر بیریسیله دوشمن اولسالاردا بئله اورتاق دوشمنلرین تورکلر اولدوغونو ساندیقلاریناگؤره بیرله‌شیب بیزلری پان‌تورک آدیلا سوچلاییرلار. منجه تام آیدینجاسینا بو چیرکین سایقیسیزلیقلار و سوچلامالارلا گئت گئده بؤیوک بیر آیریمجیلیغا ایمضا آتیر؛ من تام ایزوله و بئلنچی قونولارا قاتیلمایان یا قاتیلماق ایسته مه‌ین یا هئچ فرقینده بئله اولمایان یولداش و تانیشلاری گؤرورم کی تام جیدییتله اونا تای داورانیشلارا تپکی گؤسته‌ریرلر !
سایقیسیزلیک ائدنلرینده أللرینه دؤنوم آغینا بوزونا باخمادان گؤزلرین یوموب آغیزلارین آچیرلار و تورک اولان کیمسه اولور اولسون بیر سوچ آدینا اونلاری سوچلاییب ایفاده‌لرینین سونونا بیر پانتورک یاپیشدیریرلار ! بئله‌جه همین ایزوله اینسانلاریمیزدا دا آز دا اولموش اولسا میللی دویغو یئنیدن جانلانیرو بئینینده اورتاق دوشمانین دوغروجاسینا تانیا بیلیر.
هردن بو سایقی‌سیزلیقلارا ناراحات اولماق یئرینه سئوینیرم، بلکه بئله اولا بو میللت اؤز وارلیقلارینی منیمسه‌ییب اونلارین قوروماغینا چابا گؤستره‌لر.

کتاب و کتابخوانی

بررسی تحلیلی مقوله کتاب و کتابخوانی در شهر مراغه !
(قابل بصت و تأمیم به سایر شهرها)

صبح زود از خواب بیدار شده ام امروز قصد دارم کمی مطالعه نمایم،فکری به ذهنم می رسد ،مطالعه جای خود را دارد ...
بلی کتابخانه عمومی...
زود کمی صبحانه می خورم و راهی کتابخانه  عمومی می شوم،در طول مسیر انسانهای گوناگون با افکار و تفکرات متفاوت می بینم...
تقریبا زود آمده ام فقط عده انگشت شماری می بینم که مشغول مطالعه کردن هستند،خوشحال می شوم ،باید جای دنج و ساکتی را قبل از اینکه بقیه افراد بیایند پیدا کنم داخل سالن مطالعه گشتی می زنم و تابلوهای زندگی نامه بزرگان شهرم را از نظر می گذرانم و حسرت بزرگ شدن و آینده ساز شدن را می خورم این حسرت خوردن باعث می شود سریعترجایی را اختیار کنم و مشغول مطالعه شوم....
کم کم سالن مطالعه شلوغ می شود و بالطبع صدای زمزمه افراد به گوش می رسد ،سرم را بلند می کنم و با چرخشی افراد حاضر در سالن مطالعه را از نظر می گذرانم،در نگاه اول به نظر می رسد همه برای مطالعه و درس خواندن آمده اند ولی کمی که دقیق تر می شوم می بینم یکی هندزفری  به گوش در حال گوش دادن به موسیقی مورد علاقه خود است ،آن یکی مشغول گپ زدن خودمانی ولی آرام با دوست بغل دستی خود است ،دیگری به نظرم کارمند شهرداری است چون در حال طراحی و رسم نقشه های ممیزی شهرداری است، آن دیگری در حال صبحانه خوردن است و عده ای نیز مثل من مشغول دید زدن آنان می باشند.
راستی چه بلایی بر سرمان آمده است؟
مگر ما نوادگان همان بزرگان و مفاخرانمان نیستیم؟
چرا از کتاب و  کتابخوانی گریزانیم؟
.
.
.
سیستم آموزشی در گسترش و نهادینه ساختن فرهنگ مطالعه و کتابخوانی و شکل دادن شخصیت افراد نقش مهم و سرنوشت سازی دارد.فرد در دوره های راهنمایی و دبیرستان تحت تاثیر این سیستم جذب مطالعه و یا دفع از این مقوله می شود متاسفانه سیستم مطالعه در کشور هیچ برنامه مشخصی برای حرکت در راستای نیل به این مهم ندارد ،همین بی برنامگی و بی توجهی باعث نزول سطح تفکر و مطالعه در بین قشر دانش آموز و دانشجو
می شود.بر اساس آمار رسمی میزان مطالعه در کشور دقایق  محدودی(3الی 5 دقیقه) را به خود اختصاص می دهد حال آنکه در برخی از کشورها این عدد به 2الی 3 ساعت در روز نیز می رسد.
عامل دیگر کمبود کتابخانه می باشد طبق آمار کنفرانس بین المللی کتابداری و اطلاع رسانی در هر جامعه ای برای 3 تا 5 هزار نفر باید یک کتابخانه عمومی کامل وجود داشته باشد یعنی در شهری مانند مراغه اگر 300هزار نفر زندگی کنند و حداقل استاندارد را در نظر بگیریم باید 60 کتابخانه عمومی با استاندارد جهانی وجود می داشت. با احتساب کتابخانه های دانشگاهها ،مراکز معتبر علمی،حوزه علمیه،قرائت خانه ها و... با اغماض تمام حداقل 30کتابخانه کم داریم. از طرفی کتابخانه های موجود در مکانی قرار گرفته اند که در معرض دید و دسترس افراد قرار نگرفته اند و این باعث می شود کتاب جزء انتخابهای فرد قرار نگیرد و اگر شخص وقت و یا ساعتی برای فراغت داشته باشد به جای کتاب خوانی به رفتارهای سوء هنجاری و تفریحات ناسالم کشیده و یا کشانده می شود؛کمبود خود کتاب نیز مزید بر علت است.
مراغه در اوایل دوره قاجار  جزو ده شهر بزرگ و پر جمعیت ایران بود ، ما ملتی هستیم که قدیمی ترین و غنی ترین کتابخانه های دنیا را داشتیم.در کتابخانه خواجه نصیرالدین طوسی مراغه ای بیش از 400هزار جلد کتاب و نسخه خطی وجود داشت که در بین آنها کتابهای خطی و چاپ سنگی کتابخانه عمومی مراغه بخشی از هویت و تاریخ شهرمان است که یادگار خواجه نصیرالدین می باشند که متاسفانه در اثر کم کاری مسئولین و عدم رسیدگی و نگهداری ،این اوراق هویتی و تاریخی در شرف نابودی قرار دارند...

سومین عامل  فرهنگ اجتماع جامعه است که خود می تواند تاثیر مثبت و یا منفی  در زمینه مطالعه افراد داشته باشد ، جامعه جهانی هر روز در اثر تحولات جدید ، تکنولوژی های مدرن و روز آمدی را ارائه می دهد و در این میان اگر کسی از دانش و فن و تکنیک عقب بماند هیچ فرصت جبرانی نخواهد داشت و این هدف به دست نمی آید مگر با ارزش قائل شدن به تاریخ ، فرهنگ غنی و اهمیت و ارزش دادن آن جامعه به کتاب و مطالعه عمیق و اندیشه و برنامه ریزی بر اساس آن.
با تکیه بر موارد ذکر شده علارغم عدم  بررسی مشکلات و کمبود های حوزه بانوان در این امر ، روشنفکر مراغه ای تنها راه برون رفت از مشکلات و غلبه بر  آنها را باید در مطالعه و درک اصول و روابط خلاصه کند ، و حقوق و اصول شهروندی که لایق آن است را تبیین کند ...
در این مسیر عوامل و موانعی از قبیل مسائل اقتصادی ، گرانی کاغذ و بالطبع گرانی کتاب ، کمبود کتابهای چلشی- تحلیلی و بینش گرایانه ، غالب بودن روحیه و برچسب اجتماعی غالب و ... نباید در فرد دلسردی ایجاد کند و باعث عقب نشینی فرد گردد.
اگر قرار باشد راهکار و الگوی رفتاری جهت برون رفت از این مشکل ارائه نمائیم این کار ابتدا باید از محیط خانواده آغاز گردد. برنامه های کلان در سطح دولت باید اجرا گردد ،حس ترغیب به کتاب و کتابخوانی  باید افزایش یابد،راهکارهای اقتصادی باید مد نظر باشد  وبرای چاپ،نشر و تیراژ و همچنین قیمت کتابها بر اساس اصول و توان مالی و قدرت خرید  مخاطبان تنظیم گردد تا بتوان عده زیادی را جذب نمود ،در این میان همت و رغبت نشان دادن خود فرد نیز بسیار مهم و  اساسی است.ارتباط با قشر فرهنگی و اهل مطالعه نیز در مطالعه خوان کردن فرد بی تاثیر نیست.
 
یازار: حامید مورسلی