Spring, Summer, Fall, Winter... and Spring

فیلمین آدی: یاز، یای، گوز، قیش ... و یاز
Spring, Summer, Fall, Winter... and Spring

گونئی کره ایله آلمانییا اؤلکه'لری'نین امکداشلیغیلا دوزلمیش.
2003 میلادی ایلین اورونودور.

یؤنتمن، یازار و ائدیتور: 
Kim Ki-Duk
اویونچولار: 
Oh Yeong-Su, Kim Jong-Ho, Seo Jae-Gyeong 
فیلمین آنا دیلی: کره'جه'دیر؛ 106 دقیقه بویونجا.

تور(ژانر): Drama, Religion

@turkcesinema سینئما دوراغی

کره'لی "کیم کی-دوک" آدلی یؤنتمنین شاه اثری اولان بو فیلمی هر کس ایزله'مه'لی'دیر. 
"یاز، یای، گوز(پاییز)، قیش ... و یاز" بوداییسم'له موستقیم ایلگیده اولان بو فیلم بیر جاوان راهیبین یاشینین چئشیدلی دؤنه'لرینی تصویره چکیر. فیلم "اؤز تانیقلیق یا خودشناسی" و عرفان بیچیملرینده دوزلمیش. یازدا بیر آنا بالاجا یاشلی اوغلونو معبده گتیریر. بیر اوستاد وار، بیر ده بالاجا اوغلان. 

من و خود سرگردانم

من دیگر فاصله ام را با {سیاست} حفظ می کنم. هر آدمی یک زمانی مرض دارد، که من نیز داشتم و همه چیز را سیاسی می دیدم. همه چیز را با تئوری توطئه تحلیل می کردم. احساسات راه بینش و تفکر عقلانی را بر من بسته بود و در تاریک-روشنیهای نادانی خود غوطه ور بودم و البته همچنان هستم. تنها با این تفاوت که دیگر از این نقص خود به صورت نسبی هم که شده آگاهی دارم.
وقتی درباره گرانی، دین، مسائل قومی، ایدولوژی، موفقیت و شکست، فقر، بیکاری، فلان و بهمان چیز حرف می زدم گرفتار سطحی انگاری و توهمات پروش یافته ذهن کم بنیه ی خود بودم. آن هم به علت عدم پروش ذهنم با علوم موثق و مختلف، با تاثیر از محیط سطحی و احساسی پیرامون خود، در این ورطه غوطه ور بودم. در چنین شرایطی ذهن تک بعدی و تک مؤلفه ای من مسائل را با تمام نواقص خود تحلیل می کرد و صد البته به بیراهه رهنمون می شدم. نتایج سیاه و سفید بود، مطلق بود، همراه با سفاهت پنهان، که آن نیز برای من مشخص نمی نمود. همه مسائل آلوده به جهل بود ولی من دوست داشتم آنها را بدون در نظر گرفتن جهالتم با همان عمق اندک بینشم، تحلیل و به نتیجه دلخواه خودم برسانم.

سونگو دؤیوشو

آلئکساندر قرین. عسگرین فیکیرلری

-"عسگر کیملیییم عادی کیملیییمدن آرالانیب، آرتیق منیم ایسته‌ییمدن آسیلی اولمایاراق، قاچماقدا ایدی." 

________________________________________

آلئکساندر قرین(ائوسکی) 

سونگو(سرنیزه) دؤیوشو 

(حئکایه) 

(روس دیلیندن اوستاد آراز گوندوز چئویریبدیر) 

کؤچورن: حامید مورسلی

________________________________________

بوتون گئجه‌نی گؤزومو یوممامیشدیم. 

سؤزون دوزو، قورخموردوم، آنجاق ایندییه‌دک سنگرده دالدالانیب اوزونو گؤرمه‌دیییم دوشمن‌له آتیشماقدان بوسبوتون فرقلی اولان، اونونلا بیرباشا اوز-اوزه گله‌جه‌ییمی دوشوننده برک هیجانلانیردیم. 

ایندی‌دن او آنلاردا هانسی دویغولاری کئچیرجه‌ییمی بیلمک ایسته‌ییردیم... 

فیرانسالی فوتوقیرافچی‌نین کیتاب تانیتیمی

فیرانسانین اینجه ذؤوقلو فوتوقیرافچی‌سی بیر سیرا آدلیم رومانلاری اؤزل مئتودلا تانیتدیریب. یارادیجی فوتوقیرافچی کیتابلارین اوخونماسی اوچون اینسانلاری ماراقلاندیرسین دئیه بیر نئچه آنلاملی و سیمگه‌سل ایشله‌ولی فوتوشکیل‌لر چکیب، چکدیک‌لری ایسه توپلومسال شبکه‌لرده گئنیش آلاندا یاییملانماقدادیر. من ایسه اوچ کیتابی اؤرنک اولاراق سئچیب تورکجه آچیقلاما وئریب، خیدمتینیزه سونورام. اومارام بو گؤزل و ایلگینج ایش هرکسده ائتگیلی اولا.

دده‌لرین ایتیرمه‌سی، اویغارلیغیمیزین قیسیر قالماسی

◘◘◘ دده‌لرین ایتیرمه‌سی، اویغارلیغیمیزین قیسیر قالماسی ◘◘◘

یئنه اؤلوم خبری پایلاشماق زوروندایام؛ ایتیرمک، الدن وئرمک، اییه دورماماق بلکی اودوزماق.
بیریسی جوذاملی‌ خسته‌لرین قورتاریجیسی، ام وئره‌نی، اومود باغیشلایانلاری لاییقی اولدوغو جوذاملی‌لار آتاسی لقبینه ده‌یری اولان دوکتور، شیمشک آدیلا قوشوق قوشوب، یازی پوزونون ایلکین اوستالاریندان بیریسی. بو شیمشک آذربایجان درنه‌ک‌لرینده چوخلارینی اؤزلویونه ساری اوز دؤندرمه‌یه یؤنلتمیش‌دیر. بابا باغیندا سون جوذاملی‌نی ساغالدان ال، ایل‌لر بویو چالیشیب، یورولمادان، مالی بدلی دوشونمه‌دن، گوجو یئتنه‌قدر، اؤزو عؤمرونو بیلیم و دوشونجه‌نین یولوندا خرجله‌ین، بیر چوخ کیتاب یازان، مهندیس صرافی‌نین وورغولاماسینا گؤره "گذشته چراغ راه آینده است" کیمی کیتابین مؤلیف‌لر هئیتینده یئر آلان، آذربایجاندا بیر چوخ آچیدان دانیلا بیلمز دیرک‌لردن بیریسی اولان، رحمتلی دوکتور محمد حسین مبین دونیاسینی ده‌ییشدی.

محاکمه - کافکا

بیلدیینیز کیمی فیرانتس کافکا آلمانجا یازان چک اسلوواکی'لی یازاردیر. کافکا دئمک اولار پست مدرن یازار ساییلیر. نییه کی یازیلاریندا سنت (اؤرنه'یین دین) و مدرنیته'نین (اؤرنه'یین قانون و نوین حکومت'لر) یاراتدیقلارینا الیشدیرل یاناشیر. و یازیلاریندا شخص چوخ محوریت و اؤنم داشییر تا توپلوم. 

داهی‌لرین سؤزلری

داهی‌لرین سؤزلری (اینجی‌لر) آدلی کیتاب، ده‌یرلی یازار و حؤرمتلی آراشدیرماچیمیز، سایین احد فرهمندی‌نی زحمتیله حاضیرلانمیش‌دیر. بو کیتاب "ندای شمس" یاییم ائوی وریندن تورکجه‌میزی داهی‌لرین سؤزلریندن باریندیرما اوماجاغیلا نشر اولموشدور. 
بلکی توپلومسال شبکه‌لرین یاییلماسی و ایندیکی اینسانلارین داها اوخوماقلا اؤزگه‌لشمه‌‌لری، بئلنچی بیر اینجی‌لردن دولو بیر کیتابین یازیلماسینا تمل ندن ساییلا (بوگون‌لرهامی سؤزون ایچ قاتینی اوخوماق ایسته‌ییرآخی). دوغرودو دئیه‌سیز بیر جومله‌ ایله کیمسه بیر دوشونجه‌نی منیمسه‌یه بیلمز. آنجاق بلکی بیر بیلیم آدامی‌نین، فلسفه‌چی‌نین، پیسخولوقون و... بیر دولو دوشونجه‌لی جومله‌سی سیزی او داهیله داها تانیش اولمایا ماراقلاندیرا.

فولولور توپلاما قیلاووزو

فولکولور ساحه'سینده چالیشمایا چوخ یئر اولدوغونا باخمایاراق یاخین بو نئچه ایلی، گؤزل و قالارغی آددیملار آتیلیب دئمک اولار. اسکی'لرده بیریسی ائل آشیغی اولماق ایستردیرسه اؤنجه فولکولوریک ناغیللار، ماهنیلار، دب'لر،عادت عنعنه'لر، بیرجه سؤزله ائل ایچینده سینه دن سینه'یه داشینان فولکولوریک ماتئریاللاری اؤیرنملی ایدی.
گونئی'ده من تانیدیغیم و آزما-چوخ گؤردوکلری ایشلریله تانیش اولدوغوم، اوچ اوستادین آدینی باشدا سایماق اولار. دوکتور محمدزاده صدیق، مهندس علیرضا صرافی و دوکتور حسین محمد خانی(گونئیلی) جنابلاری. 

قوجایلا دنیز

بوتا یاییم ائوی'نین گونئی ادبیاتیندا منجه ایکی اؤنملی و دانیلماز نقشی وار و سورکلی اولاراق واردیر. بیرینجیسی دیلیمیزی نثر ایله باریشدیرماغا چالیشیر. ایکینجیسی ایسه ادبیاتیمیزا و دئمک ادبیات هوسکارلارینا دونیا آدلیم اثرلرینی اؤز تورکجه'میزده دادیزدیریر.
ائله بو ایکی ندن یئتر، جناب محمد صبحدل، بوتا یاییم ائوی'نین سوروملو مودوروندن اؤزل تشکورلر و مینتتدارلیغیمیزی بیلدیریب اورکدن یورولمایاسینیز دئیه'یک کندی'لرینه.
بوتا یاییم ائوی بو بیر ایکی ایلین بویوندا دونیانین آدلیم یازارلاریندان گؤزل کیتابلار بسته'لییب اوخوجولارا سونوبدور. او جومله'دن ائرنئست هئمینگوئی'یین "قوجایلا دنیز" آدلی، آدلیم اثرینی تانیتدیرماق اولار. بو کیتابی مناف سلیمان اوو آذربایجان تورکجه'سینه چئویریب، خانیم لیلا ایبراهیمی ایسه عرب آلفابئسینه کؤچوروبلر.

کیتاب بیر قوجا بالیقچی'نین قوجایکن گونلرجه اووسوز، هم ده یورغون آرغین دنیزدن قاییتماسینین ریوایتی دیر. قوجانین بیر گنج یاشلی شاییردی(شاگردی) و دئمک اولار تکجه دوستو دا وار. بیر گون قوجا نئچه گون بالیقسیز دنیزدن قاییتدیقدان سونرا تصمیم توتور تک باشینا بیرآز اوزاغا گئدیب شانسینی اورالاردا دا دنه'سین. چوخ چتینلیکدن سونرا بیر ناققا بالیق تورونا دوشور. او بالیقلا نئچه گون آجیبان سوسوز موباریزه ائدیب سونوندا اونا قالیب گلیر. آنجاق بالیق چوخ آغیر اولدوغو اوچون بالیغی گمینین ایچینه چیخارتمایا گوجو یئتمیر. بالیغی گمی'یه باغلاییب لیمانا ساری دؤنور. (و...)
بو کیتابی دنیز و بالیقچلیقلا هئچ کولتورل یاخینلیغی اولمایان بیزه تای میللتلرده، یازارین گؤزل و بدیع صحنه'لر یاراتدیغیندان دولایی منیمسه'نه بیلیر. چوخ آخیجی و گؤزلجه'سینه ده تورکجه'میزه چئوریلیب. اومارام هر کس بو گؤزل و بالاجا رومانی اوخویوب اولدوقجا ذؤوق آلسین. بو کیتابی تورکجه کیتاب ساتان یئرلردن الده ائدیب اوخویا بیلرسینیز.
ح. م

الوداع گولساری

الویداع گولساری؛ ان سئودیییم قیرقیز یازاری، چنگیز آیتماتوون گؤزل و قالارغی اثرلریندن بیریسی دیر. بو کیتاب قوزئی'لی اکرم اه'یلیسلی'نین وریندن آذربایجان تورکجه'سینه چئوریلیب. ایراندا ایسه بوتا نشر یایین ائوی وریندن، موسی(آتیلا) سیفی'نین کؤچورمنلیگیله یاییملانیب. 
رومانین ریوایتی بیر قوجا کمونیست ایله آتینین(گولساری) سون آنیلاریندان باشلاییر فیلاش بک یئمکله ریوایت گؤزلجه'سینه آچیقلانیر. کیتابدا یازارین گوجلو قلمینین آراجیلا بدیع و لمس اولونان فضالارلا اوزله'شیریک. چوخ زامان سانکی اوخوجو اؤزو کولخوزدا یاشاییب و بوتون او مصبیت لری لمس ائدیب دیر کیمی گلیر بیله'سینه. 
بو کیتابی بوتون تورکجه کیتاب ساتان کیتاب ائولریندن الده ائدیب اوخویا بیلرسینیز.