آنی‌لار دوشرگه‌سی

فولکولور ساحه'سینده چالیشمایا چوخ یئر اولدوغونا باخمایاراق یاخین بو نئچه ایلی، گؤزل و قالارغی آددیملار آتیلیب دئمک اولار. اسکی'لرده بیریسی ائل آشیغی اولماق ایستردیرسه اؤنجه فولکولوریک ناغیللار، ماهنیلار، دب'لر،عادت عنعنه'لر، بیرجه سؤزله ائل ایچینده سینه دن سینه'یه داشینان فولکولوریک ماتئریاللاری اؤیرنملی ایدی.
گونئی'ده من تانیدیغیم و آزما-چوخ گؤردوکلری ایشلریله تانیش اولدوغوم، اوچ اوستادین آدینی باشدا سایماق اولار. دوکتور محمدزاده صدیق، مهندس علیرضا صرافی و دوکتور حسین محمد خانی(گونئیلی) جنابلاری. 
بلکی دئمک اولار بیزیم یازینسال اویغارلیغیمیزا تمل یاردیمی ائدن فولکولوریک بیلم'لری منیمسک دیر. شفاهی ادبیاتدان یازیلی ادبییاتا کئچمه'نین ان اویغون یولو، بیر یاردیمچی آراج اولاراق، فولکولورا آرخالانماقدیر منجه. هم ده اوزمانلار، دیلین فولکولور خزینه'سیندن یاردیم آلمانی، دیلین گلیشمه'سینه، ان دوزگون و قالارغی یول ساییرلار. بئله بیر فیکیر ده وار، دیلی دیلچی لر دئییل، کوتله فولکولوریک ماتیریاللار آرخالاناراق اونا قول بوداق وئررلر. (بوحاقدا عزیز فولکولورچولاریمیز نظر وئرسه'لر داها یاخشی و دئمک دوزگون اولار.)
منجه بیزیم فولکولوروموزا دوزگون قایناق لاپ باشدا دیلمانج ، ائل بیلیمی و وارلیق درگی'لرینین آرشیولری حئساب اولالار.

آنجاق منده اولان دوزگون قایناقلارین بیریسی ایسه "فولکولور توپلاما قیلاووزو" آدلی کیتاب، جناب دکتر حسین محمد خانی ایله عسگر علیائی جنابلارینین ایش'بیرلییینین سونوجو اولان اثردیر دئمک. بو کیتاب 1384 ده تئهراندا گونئی مدنییت اوجاغی وریندن یاییملانمیشدیر. بو کیتابین ایچی، فولکولور ساحه'سینده دوزگون بیلگی'لردن دولو اولدوغونا باخمایاراق چوخ گؤزل و دوزگون و آخیجی دیل ایله ده یازیلیب. دوکتور گونئیلی'نین بو اثرینین دیلی باشقا اثرلرینه تای اعلا دیر دئییه بیلرم. هم ده کیتاب تام بیلیمسل مئتودلارلار فولکولورچولوغا یاناشیب. بیرجه سؤزله کیتاب تام مئتودولوزیک بیر کیتابدیر. فولکولور ییغماق اوچون بوتون یوللاری بیلیم‌سل اولارا اؤیره‌دیب.
عزیز دوستوم سعید بی'یین سوروسو ندن اولدو بو بیر نئچه خط یازینی یازیب سیز ایله پایلاشام. اومارام یارارلی بیر تانیتیم اولموش اولا.
سایقیلاریملا حامید مورسلی.