آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

دیل وارلیغین ائوی‌دیر دئمیشدی هایدگئر؛ بو اوزدن وارلیغیمیزی قوروماق اوچون دیلیمیزی قورومالییق دئیه دوشونورم. بو دوشرگه‌ده اؤز آنادیلیم اولان تورکجه‌ ده یازاجیام؛ گونده‌لیک آنیلاردان، ادبیات، حیکایه و آراشدیریجی یازیلاریما کیمی. چالیشیرام قونو سئچیمینده چوخ سینیر قویماییب و بوتون قونولاردان بیلدیگیم و یازماق ایسته‌دیگیم قده‌ر یازام. یازماق منیم دیریلیگیمین بَلیرگه‌سی دیر :)
سیز ده دیریلیغینیزی بیلمه‌ک ایسته‌ییرسینیزسه یازماغا باشلایین !
یادیمدان چیخمامیش: سلام، خوش گلیب‌سیز :)

سون گؤندری‌لر
سون یوروملار

بئهشتده یاشییریق‌می یوخسا جهنمده؟؟؟

سه شنبه, ۱۹ خرداد ۱۳۹۴، ۰۸:۲۶ ق.ظ

بئهشتده یاشییریق‌می یوخسا جهنمده؟؟؟

هاچان و هارداسا بیرگون ساوچی موسی اوزون تانری-یا ساری توتوب دئیَر :
ای بیزی یوخدان یارالدان تانریمیز سندن بیر بالاجا ایسته‌ییم وار ؛ اولورسا بئهشت ایله جهنمدن منه بیر گؤرونتو گؤستر. چوخ ماراقلیام اؤز گؤزلریمینن میللتیمیزی چکیندیردیغیمیز جهنم و اونلاری ماراقلا چاغیردیغیمیز و توصیف ائتدیگیمیز بئهشتی گؤره‌م .
تانری ایله ساوچی موسی-نین آرالاریندا اؤزل بیر ایلگی اولدوغونا گؤره تانری قبول ائدیب ایکی گؤرونتونو موسی-نین گؤزونون اؤنونده جانلاندیرار.
اؤنجه بیر یئر گؤسته‌رَر، هر یئر باغ باغچا؛بؤیوک بؤیوک قیزیلدان سارایلار، هر یئر دولو چئشیدلی چئشیدلی یئمک‌لرله و... آنجاق اوردا یاشیان اینسانلار بیر بؤیوک سورونلا اوزلشمیشدیرلربئله‌جه بو سورونو آرادان قالدیرماق اوچون ووروشماقدایدیلار آمما نه یازیق کی هئچ بیر سونوج ألده ائده بیلمیردیرلر!
او اینسانلارین هئچ بیریسی قوللارینی قاتلاماغا مالیک دئییل دیرلر. بو اوزدن هر بیر یئمَک گؤتوردوکلرینده آغیزلارینا چاتدیرا بیلمه‌ییردیلر و او یئمه‌ک قوللارینین اوزه ریندن یئره دوشوردور. بئله‌لیکله بوتون نئعمت‌لر ایچه‌ریسینده اولماقلارینا باخمیاراق آجلیقدان ساری درین مضیغه‌لر یاشاییب هئچ بیر زاد الده ائده بیلمیردیلر! 
ایکینجی گؤرونتو ده ایسه عئنی دوروم، عئینی اینسانلاریدی بیر حالدا کی عئینی سورون اوردا دا حاکیمیدیر؛ آنجاق بیر أساس فرق موسی-نین گؤزوندن اوزاق قالمادی، اودا بو کی بوردا یاشیان اینسانلار ایسته دیکلری نعمتلری أللریله گؤتوروب و یولداشلارینین آغزینا قویوردورلار و قارشیلیقلی او یولداش دا بو یولداشین ایسته‌دیگی هر هانسی بیر نئعمتی اونا یاردیمچی اولان یولداشینین آغزینا چاتدیریردی. 
بوردا اولدقجا سئوگی، اولدوقجا محبت، اولدوقجا دویغو واریدی آنجاق اؤنجه کی گؤرونتوده ایسه آجلیق، یازیقلیق، فلاکت، سورون و... قورتاریسی دئییل دیر!
تانری موسی-یا دئدی ایلک گؤردویون گؤرونتو جهنم سونراکی ایسه بئهشت آدلانیلیر. 
او یئرده کی باریشی، سئوگی‌نی، محبتی، یولداشلیغی گؤرمه‌مزلیک، سایمامازلیق اولسا اورا جهنم آنجاق بونلار وار ایکن بئهشت یاشانیلیر !
.
.
.
.
.
*ساوچی= پیامبر ؛ *گؤرونتو=تصویر ؛ *اؤزل=مخصوص ، خاص 
*سارای=کاخ ؛ *چئشیدلی=فرقلی، مختلف ؛ *یئمه ک= غذا
*سورون=موشکول ؛ *دوروم=وضعیت ؛ *قارشیلیق=درمقابل

(19 خرداد 1393)

  • حامید مورسلی

یوروملار (۰)

هئچ بیر یوروم ثبت اولماییب
ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
تجدید کد امنیتی