آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

گونده‌لیک یازیلاریمین دوشرگه‌سی.

آنی‌لار دوشرگه‌سی

دیل وارلیغین ائوی‌دیر دئمیشدی هایدگئر؛ بو اوزدن وارلیغیمیزی قوروماق اوچون دیلیمیزی قورومالیییق دئیه دوشونورم. بو دوشرگه‌ده اؤز آنادیلیم اولان تورکجه‌ده یازاجایام؛ گونده‌لیک آنیلاردان، ادبیات، حیکایه و آراشدیریجی یازیلاریما کیمی. چالیشیرام قونو سئچیمینده چوخ سینیر قویماییب، بوتون قونولاردان بیلدیگیم و یازماق ایسته‌دیگیم قده‌ر یازام. یازماق منیم دیریلیگیمین بَلیرگه‌سی‌دیر :)
سیز ده دیریلیگینیزی بیلمک ایسته‌ییرسینیزسه یازماغا باشلایین.
یادیمدان چیخمامیش: سلام، خوش گلیب‌سینیز :)

سون گؤندری‌لر
سون یوروملار

آیی دوستلوغو

دوشنبه, ۲۹ دی ۱۳۹۳، ۰۶:۲۱ ب.ظ

دئییر ایسته‌ییرسن بیر گئرچه‌گی آرادان قالدیریب بیرباشقا دوشونجه‌نی یئرینه قویاسان، گرکلی دئییل تام اونا قارشی داوراناسان؛ سؤزو گئدن گئرچه‌گی یانلیشلیقلارلا دولو ساوونسان ایسته‌دیگین آماجا أل تاپمیشسان دئمک! 
آنجاق داها آغیر، داها آدامی ایچینه کیمی یاندیران قونو بودور کی هئچ بیر آماجین اولمایاراق یانلیشلیقلارلا دولو ساووندوغون گرچگی هئچ ائتمه‌گین دیر، بیر حالدا کی اؤزون ده بونون فرقینده اولمایاسان؛ هئچ دوشمن وورا بیلمه‌یَن ضربه‌نی اؤزون ووراسان!

او "آیی دوستلوغو" ناغیلی گؤز اؤنونه گلیر؛ رامین جهانگیرزاده یاخشی یازیب:
" آیی 
داش 
چوبان 
میلچک 
آیی دوستلوغونو ثبوت ائتدی 
داش قانا بویاندی 
چوبان اؤلدو 
میلچک هله ده یاشاییر "

بیزیم بیر چوخ قونودا بئلَنچی دوستلوغوموزو ثبوت ائتمکلریمیز چوخ اولوب و اولور؛ ائشیکدن باخان اووچونجو آدام چوخ یاخشی گؤره‌ بیلر !!!

  • حامید مورسلی

حئکایه

یوروملار (۱)

یاشا حامد بی-دئیرلی وئبلاق یارادبسان
گول
یانیت:
چوخ ساغ اولون حسین قارداش؛ زحمت چکیب گؤروشونوزو یازدیغینیز اوچون سئویندیردیز ♥
ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
تجدید کد امنیتی