هئچکیم بهی Mr. Nobody
🎬🎬 هئچکیم بهی Mr. Nobody 🎬🎬
🔸یییرمینجی یوز ایللییین سوْنلاریندا "نیموْ" آدلی کیشی اوچ چئشیدلی آروادی، هم ده اوچ چئشیدلی یاشامی ایلا، چئشیدلی زامانلاری تجروبه ائدیب، کئچمیشینی 2092 میلادی ایلده بیر قوْجا اوز گؤزو قیریشمیش کیشینین دیلی ایله، بیر چالیشقان و یئتیک ژونالیسته ریوایت ائدیری. قوْجا کیشی اؤزونو نیموْنون اوشاقلیغی و سوْنراسی نئچه یؤنلو کئچمیشینین اورونو بیلیری؛ سانکی ائله همین گئرچک نیموْدور. آنجاق، بوتون اوْلایلار دوْغرویدورلار می؟
سانیرام فیلمین تمل سؤزو تئوریک فیزیک بیلیمینین (اؤرنهیین: کووانتوْم فیزیکی، ایپ نظریهسی، مهبانگ تئوریسی و زامانین خطی اوْلمادیغینی وورغولایان نظریه) آراجیلا واراوْلوشچولوق فلسفهسینین (اگزیستانسیالیسم فلسفه سی) دوشونجهلری ایله چالیشیر وارلیق بینئورهسین، وارلیغین آنلاما اوستون اوْلماسینی، مارتین هایدگرین دوشونجهلرینه دایاناراق گؤسترسین. ائله همین آراجلا ایزلهییجینی بو سوْرویلا قارشی قارشییا گتیریر کی، هر شئی گئرچکدیر می؟ بو اؤتهریلیکله فیلمین سوْنلارینا دک ایزلهییجینی بئلنچی بیر وورنوخمایلا باش باشا بوراخیب، اوْنا یاردیم ائتمهییری. دوغروسو فیلم، بوتون ریوایی بوْیوتلاریندا "من"-ین وارلیغی حاقدا دارتیشماقدادیر. بو من "سئچیم یا سئچمک ایمکانی" آنلامیندادیر. من وارام، چونکی سئچه بیلیرم. بو اوزدن منیم وارلیغیمین آنلامینی بو سئچیملر دوغرولدور. من سئچیرمسه وارام دئمکدیر. بو اوزدن فیلمین آماجی بودور، ایزلهییجی ساختا فرضلرله، ائیلهجه تئوریک وورغولاماقلارلا، اؤز باخیش و دوشونجهسینی قوْرویا بیلیب، اوْنون قارشیسیندا، دوشونجه چرچوواسی داغیلماسین. بو اوزدن بیز دوْغرودان نهیین وارلیغی و وارلیغینین ندنی حاقدا سوْروشمامیزدان اؤنجه، اؤزونو بیزه گؤسترن نسنهلرین اوزهرینه متمرکز اوْلمامیز گرکلی دیر. بو گؤرونتولهمهنین نئجهلییینده دقیقلشمک داها اؤنملی دیر. بوتون سورهجلرین دوْغرو اوْلدوقلارینی، هر نسنه باشقا نسنه اوْلا بیلهجهیی قورالینی قبول ائدهرک، بیر یئره قوْیدوقدا، فیلمین تمل سؤزون واراوْلوشچولوق دوشونجهسی ایله، "سئچیم" اوزهینده متمرکز ائدیری.
ح. م
- ۹۴/۱۱/۱۴