قورخورام؛ قورخورام؛ قورخورام
♤■♤■♤■♤■♤■♤■؛
نئچه گون اؤنجه دوستوملا بیرلیکده آددیملاییردیق، اوزاقدان ایکی نفرین یاخالاشماسی، اؤته‌یاندان بیریسینی‌نین ساققالا سؤیوش دئمه‌سی ایلگیمیزی چکدی. آنجاق اوْ'گون بیز قیراقدان سوْوشاراق "گونده‌کی آتیشمالارا تای بیر شئی‌دیر دئیه یانلاریندان سایمازجاسینا کئچدیک. اوْنلار آیریلمیشدیلار، آنجاق بیریسی اوْبیریسی‌نین ساققالینی سؤیوشه باغلامیشدی. اوْ بیریسی ایسه الدن قورتولوب قاچماق ایسته‌ییردی.
بوْرخئس همئشه "ادبییات‌ین یاراری نه‌دیر؟" سوْروسوندان چوخ شیددتله حیرصله‌نردی. اوْ بو سوْرغونون آخماقجاسینا اوْلدوغونو وورغولاییب دئیه‌ردی: "کیمسه سوْروشماییر قوشون اوْخوماسی‌نین ائیله‌جه گونشین باتان چاغی‌نین گؤزللیگی‌نین نه فایداسی وار؟" ایه‌رسه بو گؤزل نسنه‌لر واردیرلار و ایه‌ر بونلارین وارلیغیندان دوْلایی یاشام بیر آن اوْلموش اوْلسا بیله آز چیرکین و آز اوره‌ک سیخان اوْلورو، اوْنلارا بیلیم‌سل ندن‌لر آرخاسیجا اوْلماق؛ قیسسا دوشونجه‌لیک دئمک دئییل‌می؟
"فئورالین 26-سی (25-26) خوْجالینین سوْیْ‌قیریمی گئجه‌سی‌دیر"
بو گئجه فئورالین 26-سی، ائرمنی‌لرین وریندن خوْجالی سوْی‌قیریمی، ائیله‌جه آذربایجانین اونودولماز یاراسی اوْلان خوْجالینین وحشی‌جه‌سینه ایشغال اوْلونما گئجه‌سی‌‌نین یییرمی‌دؤردونجو ایل دؤنومودور. 24 ایل اؤنجه بئلنچی بیر گئجه‌ده ائرمنیستان عسگرلری روس‌لارین، فارس‌لارین و فیرانسیزلرین ایستیراتئژیک و نیظامی دستک‌لری‌نین گوجو ایله قاراباغین ان اؤنملی شهری اوْلان خوْجالی‌یا وحشی‌جه‌سینه گیریب، یییرمینجی عصرین سوْنلاریندا، ان دهشتلی سوْی‌قیریملاریندان بیریسینه سبب اوْلدولار. سیلاحسیز و نیظامی اوْلمایان اینسانلاری رحم‌سیزجه‌سینه سوْی‌قیریم ائتدیلر.
قوجامی‌دیر؟ قادین‌می‌دیر؟ یوْخسا اوشاق‌می‌دیرلیغینا دا باخمادیلار. بوْیلو قادینلاری، کؤرپه اوشاقلاری، بیرجه سؤزله اوْ توْرپاقلاردا قالان هر هانسی بیر تورک نوفوسونو، تورک اوْلدوغو اوچون قانسیزجاسینا اؤلدوردولر. گؤزلری وحشی‌لیک‌له قاپانیلمیش ائرمنی‌لر، بو گوناه‌سیز اینسانلاری اؤلدورمک‌له بشرییتین آلنیندا زیگیل اوْلان ساواش لکه‌لریندن تؤرنمیش چیرکین سوْی‌قیریملاردان، ان قوْرخونجونا، بیرگئجه (25-26گئجه‌سی) بوْیونجا، سبب اوْلدولار. بیر گئجه‌ده ۶۱۳ نفر، او جومله‌دن ۱۰۶ قادین، ۶۳ اوشاق و ۷۰ قوْجانین یاشامینا وحشی‌جه‌سینه سوْن قوْیولدو. بو سوْی‌قیریمدا ۱۲۷۵ دینج (سیویل) ساکین اسیر گؤتورولوب، ۱۵۰ نفر ایسه ایتگین دوشدو. بو فاجیعه‌دن 24 ایل کئچمه‌سینه باخمایاراق دونیا اؤلکه‌لری او جومله‌دن بو بربرلیگی دستکله‌ین اؤلکه‌لر بو اوْلایا سس‌سیز یاناشاراق آذربایجان تورک خالقی‌نین سوْی‌قیریملا اوزلشمه‌سینی، هله ده لاییقی درجه‌ده محکوم ائتمه‌ییب‌لر. بیرلشمیش میللت‌لر تشکیلاتی‌نین نئچه دنه بیاننامه‌سینده ایشغالچی تانینمیش و تئزلیک قئیدی ایله ایشغال ائتدیگی توْرپاقلاری بوشالتماسینی قولاق آردی ائدن ائرمنی دیغالاری، بوگونه دک هله ده قاراباغی ایشغال آلتیندا ساخلاییب‌لار.
بئلنچی گونده اؤزگور اینسانلارا گرکلی‌دیر سس‌سیز قالماییب، بو اوْلایی قیناماقلا آذربایجان تورک خالقی‌نین سای‌سیز یارالارین نین بیریسینه مرحم اوْلوب، اینسانلیق گؤره‌ولرینی یئرینه یئتیره‌لر.
دئموستین'ین ناغیلی
🌺🌺🌺🌺🌺
دئموستین، یونانین بؤیوک خطیب و دانیشانی، جاماعاتا میللی مسئله‌لرین بیریندن سؤز آچیب، دانیشماقدایمیش؛ آرادا گؤرور هئچ بونون سؤزلرینه قولاق آسان یوْخدور. درحال سؤزونو کسیب دئیه‌ر:
قولاق وئرین سیزه بیر گولمه‌لی حئکایه دئییم:
بیر نفر یایین ایستی‌سینده مینیب مقصدینه ساری گئتسین دئیه، بیر ائششک کرایه ائدیر. یاری یوْلدا گؤره‌ر گون یامان قیزیشیب، ایستی‌لیک آمانینی کسیر. ائششکدن یئنیب، ایستر ائششگین کؤلگه‌سینده آزجا دینجه‌لسین. آنجاق ائششگین صاحابی اوْنا مانع اوْلوب دئیه‌ر: سن منیم ائششگیمی مینمک اوچون کیرایه ائدیبسن، داها کؤلگه‌سینی کیرایه ائتمه‌ییب‌سن کی!
قال-ماقال باشلار، ایش چکر ووروشماغا!
ناغیل بورا یئتیشدیکده خطیب سؤزونو کسیب، دانیشدیغی منبردن آشاغی یئنه‌ر. قولاق آسانلار هامیسی بیر سسله یالوارماغا دوشرلر کی، آخی بس ووروشمانین سوْنو نه اوْلدو؟
دئموستین گولومسه‌ییب بئله جواب وئرر:
اوْنلارین وورشماغی قورتولدو، چونکی هر ایکیسی ده بو سؤز اوسته راضیلاشدیلار:
بیر مللت کی اؤز اؤلکه‌لری‌نین اؤنملی ایشلری بارسینده دوشونمه‌دن، ائششگین کولگه‌سی کیمی سفئه سؤزلره قولاق وئره، اوْ میللتین یاشاماغا بیله، نه لیاقتی وار، نه ده یاشماق اوْنلارا یاراشاندیر. اوْنا گؤره‌ده یوْخا چیخاجاقلاری قاچیلماز اوْلاجاق.
آ. ی: ایندی بیزیم بیر چوْخ مسئله‌میز ده دئموستین'ین ناغیلی مسئله‌سینه بنزه‌ییر.
#فیلم_تانیتیمی
کوروساوانین راشاموْن آدلی فیلمینده گیزلی اوْلان گئرچک
راشاموْن
۱۹۵۰-Rashomon
کوروْساوا راشاموْن آدلی فیلمینده گیزلی اوْلان گئرچک‌دن سؤز آچیر. آکیرا کوروْساوا، 1950-ده راشاموْن فیلمینی دوزلتدیکدن دوْلایی وئنیز فئستیوالی‌نین قیزیل آصلان اؤدولونو قازانیب، دونیالیق شؤهرت الده ائتمیش‌دیر. راشاموْن کسینلیک‌له سینئما دونیاسی‌نین تاریخینده ان فلسفی فیلم‌لر لیستینده، لاپ یوْخاریدا دایانار. "گئرچک" قوْنوسوندا دوزلمیش فیلم، سینئما فاکولته‌لریندن باشقا، فلسفه کیلاسلاریندا دا تدریس اوْلونور.
فیلمین سئناریوْسونون اؤزه‌تی، "رینوْسوْکه آکه تاگاوا"-نین "مئشه‌ده" آدلی اثریندن آلینمادیر. بیر یوْل‌کسن(راهزن)، بیر سامورایی‌نین قادینینا تجاوز ائدیب و اوْنو اؤلدورمه‌سی سوچویلا توتوقلانیب‌دیر. یوْل‌کسن محکمه‌ده وورغولاییر، من سامورایی‌نی اؤلدورموشم. آنجاق سامورایی‌نین قادینی دا بئلنچی بیر ادعاسی وار. دئییر: من اؤزوم اؤز حیات یوْلداشیمی اؤلدورموشم. قاضی گئرچک نه‌دیر؟ بیلمک اوچون دئیه، بیر باشقاسی‌نین آراجیلیغی ایله سامورایی‌نین روحونو احضار ائدیب، سامورایی‌نین روحو ایسه اؤزو وورغولاییر، اؤزو اؤزونو اؤلدوروب‌دور. بو اوْلایین تک شاهیدی (یاخیندان گؤره‌نی) اوْدون (هیزم) سیندیران، بو اوْلایدان اوْنونلا بیرگه، آردی کسیلمه‌ین گورشات یاغیشین الیندن، شهرین قاپیسینا (دروازاسینا) ساری گلن بیر نئچه راهیبه، تام فرقلی بیر ریوایت ناغیل ائدیر.
شاهیدلرین هر بیریسی‌نین کاراکتئری (شخصیت)، روحیاتی، ائیله‌جه ایچ قاوقالاریندان دوْلایی اوْلای نئچه چئشیدلی آچیدان ریوایت اوْلور. بو دورومدا گئرچه‌یی یانسیدا بیلن گؤرونتونو جانلاندیرماق چوْخ چتین و اوْلابیلمه‌ین ایش کیمی ساییلیر. راشاموْنو پیکاسوْنون اثرلرینه تای یوْخسا فوْتوْریست‌لرین اثرلرینه تای، بیر واحید گئرچه‌یه ال تاپمادان، اوْنون بوتون یؤن‌لرینه کسین یوْروم وئرمه‌دن، گؤرونتوله‌نن بیر موْدرن اثر حئساب اوْلورو.
راشاموْن ایندی سینئمانین کیلاسیک اثرلریندن بیری ساییلیر. بیر کیلاسیک اثر کی فوْرمایا، موْدرن باخیشیلا ریوایی و گؤرونتوسل بوْیوتوندان یاناشیر. کوروْساوا گوجلو یؤنتمنلیک باشاریسی ایله هر شاهیدین سؤزلرینی اؤزونه اویغون توتومویلا گؤرونتوله‌ییری. اوْدون‌سیندیرانین سوْن ریوایتی بیر ائشیکدن باخان بیریسی کیمی یاناشماسی بیله، سوْن سوچلونون کیم اوْلدوغونو بللی ائتمیری؛ چونکی اوْ دا اوْنلارین ایچ دوشونجه‌لریندن خبرسیزدیر. بو اوزدن تکجه اؤز باخیش آچیسیلا قوْنونو آچیقلاییری. نئجه کی نیچه اینانیردی: "بیر چوْخ چئشیدلی گؤز وار، بو اوزدن سوْنوجدا چئشیدلی گئرچک‌لر اوْلاجاق؛ بونا دایاناراق گئرچک یوْخدور دئمک"
بلکی گئرچه‌یین بللی اوْلان تکجه آنی، سوْن سئکانسدا اوْدون‌سیندیران بیراخیلمیش بیر کؤرپه‌نی اؤزونه اوشاق کیمی قبول ائتمه‌سی اوْلا. سینئمانین بؤیوک اوستاسی‌نین دوشونجه آچیسیندان گئرچک چئشیدلی و قارشیت اینانج‌لاردان دئییل، سادجه بیر اینسانین اؤز هم‌نوعونا محبت ائتمه‌سینده اؤزونو گؤسته‌ریر؛ آرتیق آچیقلاما و تفسیر وئرمه‌دن.
کوروْساوا بیر چوْخ اثری اینسانلارین یئر اوزونده یاراتدیقلاری بیر داموْنو (جهنم) گؤرونتوله‌ییر؛ آنجاق بوتون بونلارا باخمایاراق عؤمرونون سوْن چاغینا دک اینسان آدلی جانلی‌دان اومودو کسیلمه‌دی.
حاضیرلایان: ح. م
🎬🎬 هئچ‌کیم به‌ی Mr. Nobody 🎬🎬
🔸یییرمینجی یوز ایللییین سوْنلاریندا "نیموْ" آدلی کیشی اوچ چئشیدلی آروادی، هم ده اوچ چئشیدلی یاشامی ایلا، چئشیدلی زامانلاری تجروبه ائدیب، کئچمیشینی 2092 میلادی ایلده بیر قوْجا اوز گؤزو قیریشمیش کیشی‌نین دیلی ایله، بیر چالیشقان و یئتیک ژونالیسته ریوایت ائدیری. قوْجا کیشی اؤزونو نیموْنون اوشاقلیغی و سوْنراسی نئچه یؤنلو کئچمیشی‌نین اورونو بیلیری؛ سانکی ائله همین گئرچک نیموْدور. آنجاق، بوتون اوْلایلار دوْغرویدورلار می؟
سانیرام فیلمین تمل سؤزو تئوریک فیزیک بیلیمی‌نین (اؤرنه‌یین: کووانتوْم فیزیکی، ایپ نظریه‌سی، مهبانگ تئوریسی و زامانین خطی اوْلمادیغینی وورغولایان نظریه) آراجیلا واراوْلوشچولوق فلسفه‌سی‌نین (اگزیستانسیالیسم فلسفه سی) دوشونجه‌لری ایله چالیشیر وارلیق بینئوره‌سین، وارلیغین آنلاما اوستون اوْلماسینی، مارتین هایدگرین دوشونجه‌لرینه دایاناراق گؤسترسین.
هر نه‌دن اؤنجه‌کی آچیقلاما: بونلار منیم اؤزل دوشوندوکلریمدیرلر، اولا بیلر بوتؤولوکله یا بیر قیسمن دوغرویلا یانلیشین قاریشیمی اولاراق یانلیش ساییلالار.
¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥؛
دیلیمیز آذربایجانجا، آذربایجان تورکجه‌سی یوخسا ائله تورکجه‌دیر؟؟!!
بیر سیرا آذربایجان دوشونورلری بلکی دئمک اولار دیلیمیزین اوزه'رینده داها آرتیق حساسیت گؤستریرلر. بو اؤزلویونده چوخ گؤزل و آلقیشا لاییق بیر تاویرین سرگیلنمه'سی دئمک'دی. آنجاق نه یازیق بو سایین بی'لرین تکجه آماجلاری دیلیمیزه گیرن تورکجه سؤزلری آذربایجانجالاشدیرماق فیکیرینده اولماقلاری'دیر. بونا دایاناراق دا اؤزلرینه یازیلمامیش بیر گؤره'و تعریفله'ییب'لر دیلیمیزدن بئله'جه، تورکجه'نین قابا ایزلرینی سیلسینلر دئیه هئچ ایشدن اسیرگه'میرلر.
#توروز، دیل‌سیز مدنییتیمیزی قورویان اؤزل کیتابلیق:
بو کیشی حسن بی‌هادی جنابلاری‌دیر؛ عؤمرونون بیر چوخ بؤلومونو دیلیمیز، اویغارلیغیمیز، وارلیغیمیزی یانسیدان بیتیک‌لری بیر یئره توپلاییب، آراشدیرماچی، اوزمانلار ائله‌جه دونیا بیلی یوردلاری‌نین بیلیم آداملاری‌نین راحاتلیقلا اورنلارا ال تاپا بیلمک‌لری اوچون صرف ائتمیش‌دیر.
تک جانینا دئمک اولار، توروزون قوروجوسو Qurucusu هم ده قوروجوسو Qorucusu ساییلیر. مین‌لرجه تورکجه یاییلمیش بیتییی بیر یئره توپلاماق بیر نفرین یوخ، بلکی بیری‌لری‌نین آرخاسیندا آغیر بودجالار دایانان قوروملارین دا بیله، قولایجاسینا یئرنه یئتیره‌سی ایش دئییل. آنجاق حسن بی هادی بو ایشی گؤروب‌دور دئمک.
توروزو یارادیب، باریندیریب، ایندی ایسه قورویور. بو قوروقچونون اؤزل یاردیمچی‌لاری دا وار. آنجاق سن و منیم بوینوما دوشن أن آز گؤره‌و بو اولا بیلر لاپ آز اولسا دا مالی یاردیم ائدیب توروزو آیاقدا ساخلانماسیندا قاتقیمیز اولسون. بیزسیز ده بو ایش اولاجاق آنجاق نه یاخشی اولار بیز ده یاردیم ائدیب اینتئرنت اوزه‌رینده، توروز دوشرگه‌سی‌نین اؤزل بویوتونو ساغلاماقدا یاردیمیمیز اولوب اؤزوموزو بئلنچی قالارغی ایشین یئرینه یئتیریلمه‌سینده اونورلو سایاق.
بو اوزدن توروز کیتابلیغی‌نین اینترنت اوزه‌رینده اولان دوشرگه‌سینه گیریب؛ آنلاین اولاراق بانک کارتینیزلا الینیزدن گلن، قوجونوزون چاتدیغی قدر، لاپ بئله 5 مین تومن اولسا بیله، باغیش سئچه‌نه‌یین تیکلاییب یاردیمینیزی توروزدان اسیرگه‌مه‌یین.
اونوتمایاق بو یاردیم‌لارحسن بی هادی یا باشقاسینا دئییل لاپ باشدا دیلیمیزه سونرا توروز کیتابلیغی‌نین معنوی وارلیغینا سونولور.
چوخ ساغ اولون، وار اولون.
سایغیلاریملا حامید مورسلی
فیلمین آدی: یاز، یای، گوز، قیش ... و یاز
Spring, Summer, Fall, Winter... and Spring
گونئی کره ایله آلمانییا اؤلکه'لری'نین امکداشلیغیلا دوزلمیش.
2003 میلادی ایلین اورونودور.
یؤنتمن، یازار و ائدیتور:
Kim Ki-Duk
اویونچولار:
Oh Yeong-Su, Kim Jong-Ho, Seo Jae-Gyeong
فیلمین آنا دیلی: کره'جه'دیر؛ 106 دقیقه بویونجا.
تور(ژانر): Drama, Religion
@turkcesinema سینئما دوراغی
کره'لی "کیم کی-دوک" آدلی یؤنتمنین شاه اثری اولان بو فیلمی هر کس ایزله'مه'لی'دیر.
"یاز، یای، گوز(پاییز)، قیش ... و یاز" بوداییسم'له موستقیم ایلگیده اولان بو فیلم بیر جاوان راهیبین یاشینین چئشیدلی دؤنه'لرینی تصویره چکیر. فیلم "اؤز تانیقلیق یا خودشناسی" و عرفان بیچیملرینده دوزلمیش. یازدا بیر آنا بالاجا یاشلی اوغلونو معبده گتیریر. بیر اوستاد وار، بیر ده بالاجا اوغلان.
من دیگر فاصله ام را با {سیاست} حفظ می کنم. هر آدمی یک زمانی مرض دارد، که من نیز داشتم و همه چیز را سیاسی می دیدم. همه چیز را با تئوری توطئه تحلیل می کردم. احساسات راه بینش و تفکر عقلانی را بر من بسته بود و در تاریک-روشنیهای نادانی خود غوطه ور بودم و البته همچنان هستم. تنها با این تفاوت که دیگر از این نقص خود به صورت نسبی هم که شده آگاهی دارم.
وقتی درباره گرانی، دین، مسائل قومی، ایدولوژی، موفقیت و شکست، فقر، بیکاری، فلان و بهمان چیز حرف می زدم گرفتار سطحی انگاری و توهمات پروش یافته ذهن کم بنیه ی خود بودم. آن هم به علت عدم پروش ذهنم با علوم موثق و مختلف، با تاثیر از محیط سطحی و احساسی پیرامون خود، در این ورطه غوطه ور بودم. در چنین شرایطی ذهن تک بعدی و تک مؤلفه ای من مسائل را با تمام نواقص خود تحلیل می کرد و صد البته به بیراهه رهنمون می شدم. نتایج سیاه و سفید بود، مطلق بود، همراه با سفاهت پنهان، که آن نیز برای من مشخص نمی نمود. همه مسائل آلوده به جهل بود ولی من دوست داشتم آنها را بدون در نظر گرفتن جهالتم با همان عمق اندک بینشم، تحلیل و به نتیجه دلخواه خودم برسانم.
